Yoáni 1:10 - Ɔngana á Kɛ̌kɛ

¹⁰ Moyo ɗátú ka mokonda. Mokonga ɗáconji mokonda ka Moyo, ɓato á ka mokonda ɗáɓákánengekisi gǎkɛ.

Yoáni 1:10 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Yoáni 1:11

Moyo ɗábiki mɔtɛ-aɓɔ, ɓakpa nɛɓɔ ɗáɓákánsesi.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 1:3

Mokonga ɗáconji kema bui ka Moyo. Nna tanda na kema moci nde ɗágeani kángá yɛ.

Yoáni 1:5

Owanga ndɔ áɔbɛnya ka keiphe, keiphe ɗákáími gǎkɛ ú.

Yoáni 17:25

Abɛ, oɓɛ nto á koɗoni, ɓato á ka mokonda ɓáká tanda kokoúba, eme ndiu aámbé ɗékoúbi. Ɓakpa nɛmɔ ɓunde ɓâ phɔtɔ oúba gea, oɓɛ aámbé ɗómoteki.

Yoáni 5:17

Yéso â gǎkɛ ǒsikisia te: «Abɛ aɔbɛɗanaga esa bui, n'eme ne phɔtɔ ɔbɛɗanaga.»

Ekuma á ɓateki 14:17

Ɗáɗeketi gǎkɛ mphangiɔ á ɓonjánja nɛkɛ. Nga, anóphi mbua ka toka na koba, ɗúngú ka matú í, áonókútisa, áotúmisa měma anu na maseye.»

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 2:8

Nna tanda na ka moamɛ á ka mokonda nde mmbé ɗáúbi kɔɓɔɔngɛ kau. Ɗáɓátúoúba, ámbé ɗáɓákánkɔkɛigi Mɔkɔta á ɓoombia ka moyangɔ.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

Ɓakɔlɔsái 1:16

Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

Ɓaɛbulanía 11:3

Ka nyɔngɔ á ɓeekea aunge ɓeúbi gea te, Mokonga ɗáconji mokonda k'ɛ́sɔ akɛ nga, kema nde ɓɛɔɔna ɗátɔtɔkɛani k'índe nna ɔɔnɛkana.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.