Títɔ 3:8 - Ɔngana á Kɛ̌kɛ

⁸ Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Títɔ 3:8 Iomraidhean Croise

Matáyɔ 20:4

Áǒngoɗea: ‹Ɓenu phɔtɔ, gǎni ɓɔ́bɛɗanɛgɛ ka ciko nɛmɔ á mujabíbu, nenóphendande ophendɔ índe akeni.›

Yoáni 12:44

Cɔ, Yéso ɗáengoɗi ɓakpa k'ɛ́sɔ akpɛ gea: «Nkpa nde amoɓeeki, kámoɓeeki tɔndɔ eme, amɓeeki phɔtɔ mmbé amoteki.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ekuma á ɓateki 12:15

Ɓɔ, ɓáongea Lɔ́da te: «Lɔ́da, ona ganja!» Áǒsikisia te: «Nna mbɛa ani.» Ɓáonsikisia te: «Ande ɓea oketi akɛ aungɔ.»

Ɓalɔ́ma 4:5

Cɔ, a ndiu oɓá nkpa na kági ka kema na amɓeeki Mokonga mmbé áǒtanga ɓato á ɓojeɗe ka ɓato á koɗoni, ɓeekea nɛkɛ aunge ɓántangi kau nto á koɗoni.

2 Ɓakɔlítɔ 4:13

Ɓuku á Mokonga agi te: «Ɓî ne ye ɓeeki aunge nɛtɔ́yɔngi.» Cɔ, ɓesu phɔtɔ, ɓena ɓeekea ndɔ suɓi asu. Kaɓondɔ unge, ɓɛɔyɔnga.

Ɓaɛphɛ́sɔ 4:28

Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

1 Timɔtɛ́ɔ 2:8

Cɔ, nekondi phɔ́ gea, ɓǒko ɓámɛmɛ k'ɔ́ma bui na ɓámɛsi njaga. Akeni ɓágeɛ ɓó na měma ánjá kángá á ɓɛí na sani.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Philɛmɔ́nɔ 1:11

Mosá, ɗákátú na kantíti k'oɓɛ, kɛ̌kɛnde a ye gǎkɛ na kantíti k'oɓɛ na k'éme phɔtɔ.

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.