Títɔ 3:2 - Ɔngana á Kɛ̌kɛ

² Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Títɔ 3:2 Iomraidhean Croise

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Ekuma á ɓateki 23:5

Pɔ́lɔ áǒsikisia te: «Ɓaya, kétóoúba gea ande ngbɛga á ɓatoɓeigi-phɛ́a nga, ɓáɗundu suɓi á Ɓuku á Mokonga gea: ‹Kɔn'yɔngɛɛ mɔnɔ mɔkɔta á ɓakpa nɛkɔ ájeɗe.›»

1 Ɓakɔlítɔ 6:10

ɓakukuɓa, ɓakpa nde měma aɓɔ aɔphɛngɛmana ka kema, ɓato á ɓoita, ɓato á ɛphɔ́ti, ɓato á njaga-njaga.

1 Ɓakɔlítɔ 9:19

Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 4:31

Ɓókóbisɛmbɛ suɓi á měma anu ɓojeɗe bui nde ɓánogǐí. Ɓókóɓɛmbɛ na esúia, ɓɛí, ntaɓo na mbóma. Sagani ɓojeɗe bui.

Ɓaphilípi 4:5

Akeni ɓakpa ɓɔbu ɓáúbɛ ɓɔphɔngɔ anu. Nga, Mɔkɔta asóobika.

1 Ɓatɛsalɔníka 2:7

Nanga ɓî ɗéɓetú na ɓukpɛkpɛ éɗokomisa mɔtɛ-anu ɓea ɓateki ndea Kiísito, ɓê ndiu oɓá na měma aphɔngɔ. Ɗéɓetú ɓea ɓama-ɓaniki, ɓunde ɓáotambea nyɔngɔ á ɓ'anaɓɔ.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

Yakɔ́ɓɔ 3:17

Kɔɓɔɔngɛ nde atóki gǎkɛ na koba, ande phɔ́ á ɗoni, a phɔtɔ na ɓujɛjɛ, ɓɔphɔngɔ, á ɔ́ka mɔphɛ á ɓakpa, atúmi na ngomi, aɔtɔtɔkisa ɓonjánja, nna n'oɓayɔ na maibe.

Yakɔ́ɓɔ 4:11

Ɓaya, ɓókoyɔngɛanɛmbɛ ájeɗe. Mmbé aɔn'yɔngɛa dakɛ ájeɗe, kaɓɛ tena á nyɔngɔ nɛkɛ, ayɔngɛi ɛɔphi ájeɗe na tena á nyɔngɔ í. O ye gǎkɛ otena nyɔngɔ ɛ́ɔphi mmbe ǒbisi ye tɔ nteni-nyɔngɔ. Kó ye nto á amba ɛ́ɔphi.

1 Pɛ́tɛɛ 2:1

Cɔ, ɓî aɓó, ɗeketani etéte á ɓojeɗe bui: mbɛa, maibe, nsengo na maca.

1 Pɛ́tɛɛ 3:10

Nga, ɗáɓáɗundu suɓi á Ɓuku á Mokonga ɓe: «Mmbé akondi enda ánjá na ɔna esa á ɓɔjɛmɛ, akeni áambɛ eɗáka akɛ na ɓojeɗe, aphenɔkɔ akɛ kayɔngɛmbɛ mbɛa.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 4:4

Cɔ, kɛ̌kɛnde, ɓakpa nde ɓákáomúba Mokonga ɓáotangaaga nga, ɓókó ye kimoci na ɓɔ k'aphe á nyɔngɔ ájeɗe-jeɗe. Ka nyɔngɔ índɔ unge ɓáonóbóma.

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.

Yúda 1:8

Eya, ɓakpa ɓájeɗe ɓundɔ ɗáɓángí ka nkíndí anu ka ɓɔsɔmɛa, ɓá phɔtɔ ogea ɓó. Njeki nde ɓáoɗa ně, a tɔ á mɔphɛ á uja nyama aɓɔ sasaɓɔ na ɓɛnjiaga kɔkɔta ndea Mokonga. Ɓáǒbóma econji á ɓoombia á na koba.