Títɔ 3:14 - Ɔngana á Kɛ̌kɛ

¹⁴ Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:14 Iomraidhean Croise

Matáyɔ 21:19

Áɔɔna me nde ɓáɔɔphana mtini ka mpɛphɛ á aphe, áokétea ú, â gǎkɛ odonda na kágɔmbi. Aɔnsɛmɛaga me ndɔ te: «Kɔ́gɔmbɛeka.» Mɔngɔ moci, me ndɔ áɔɔmɔkaka.

Matáyɔ 7:19

Ɓáombia me buakɛ mmbé nnaɔgɔmbisa mbuka ánjánja, ɓáomaka ka nsa.

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Ekuma á ɓateki 18:3

Áoika mɔtɛ-aɓɔ n'aɔbɛɗanaga nga, ekuma nɛɓɔ ɗátú á etéte moci, n'ande á ɓɔngisiaga á ɛma.

Ekuma á ɓateki 20:35

Ka kema bui nenóphangi gea ɓɔ́bɛɗanɛgɛ tɔ ɓó ka enga á ɓaúki, ɓíndɔ Mɔkɔta Yéso yɛ sasakɛ asóngoɗi gea: ‹Maseye ásii a ka ɓagabi kɔnyɛ́nya ɓatɔi.›»

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

Ɓalɔ́ma 15:28

Mbenɔ nde nɛgɔɓande ekuma nde, na jisa á kema nde ɓátókɔngu ka phɔanu, nɛnyɛ́nyɛande mɔtɛ-anu ka gǎ ani na Spanía.

Ɓaɛphɛ́sɔ 4:28

Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:16

Eya, ɓî ɗétú na Tɛsalɔníka, ɗóɓomoengi mɔngɔ ásii, na kema nde ɗétú na siki í.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

2 Ɓatɛsalɔníka 3:8

Ɗékéí ea ndea nkpa ecici. Ɗéɓe ndiu ɔbɛɗanaga keiphe n'esa, ɓéotambaga, ɓɛ́ɔɛla ka kanga bisa ɓoɗoko asu ka nkpa moci sɔsɔɓɛ anu.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

2 Pɛ́tɛɛ 1:8

Cɔ, ɓo ye oɓá na kema ndɔ bui, n'aɓiki suɓi anu, anóphande ɓukpɛkpɛ á bɛɗaneaga ú na tútuisa úbapha anu ka Mɔkɔta nɛsu Yéso Kiísito.