Títɔ 3:13 - Ɔngana á Kɛ̌kɛ

¹³ Ɔ́ɓɔngisiagambɛ ánjá tamba ndea nteni-nyɔngɔ angbóngbó Jɛnási na Apɔ́lɔ ka gea, ɓákaúkɛ ka kema nde ɓá na siki í ka tamba nɛɓɔ.

Títɔ 3:13 Iomraidhean Croise

Matáyɔ 22:35

Ka ɓɔ moci n'ande ngoisigi-ɛɔphi, áɔnɛkɛa Yéso mɛ̌kɔ ka músiɔ, áongea te:

Lóka 10:25

Mbusa, ngoisigi moci áomá, áokaɓa tombaga á Yéso, áomúsia: «Ngoisigi, négeɛ ɓo, néɓɛ na enda á mɛyɔ?»

Lóka 11:45

Wa, ka ɓaɗundu-ɛɔphi moci áongea: «Ngoisigi, ɔɔyɔnga ɓondɔ, ande gea osóbómi phɔtɔ.»

Lóka 11:52

Ngomi anu ɓaɗundu-ɛɔphi! Ka nyɔngɔ nde ɓophembeketi kǐo á úbapha na ɓenu sisanu ɓókóongia kau. Ɓo ndiu ǒimisia ɓunde ɓá na siki á ngia.»

Lóka 14:3

Mpɔ Yéso áǒúsia ɓaɗundu-ɛɔphi na Ɓaphaisáyɔ gea: «Ɛɔphi nɛnu asosi, kaɓɛ n'aimisi amisa á nkpa k'ésa á saɓáto?»

Lóka 7:30

Wa, Ɓaphaisáyɔ, na ɓaɗundu-ɛɔphi, ɗáɓáyé ndiu moangɔ á Mokonga ka ɓɔ, ka nyɔngɔ nde, ɗáɓákákondi gea te Yoáni éɓatisɛ.»

Ekuma á ɓateki 15:3

Ka Antiɔkía, kanisa áǒɓopha kema nde akeni enga aɓɔ ka tamba. Ɓáɔnyɛ́nya ka Phɔinikía na Samalía, ɓáɔ̌tɔmiaga ɓaɓêki nyɔngɔ ɓî ɓato á k'ékuna nɛngbo ɓámɓeeki Mokonga. Nyɔngɔ ndɔ áɔ̌ɓɔngɛa ɓaɓêki ɓɔbu phɛɛ.

Ekuma á ɓateki 18:24

Ka matú ndɔ, Moyúda moci inakɛ Apɔ́lɔ, mmbé ntanga-nji nɛkɛ á ɓɔkɔtɛana ande Alɛsanduía, áojua ka Ɛphɛ́sɔ. Ɗátú nto á kaátó na úba Ɓuku á Mokonga phɛɛ.

Ekuma á ɓateki 19:1

Ɓî Apɔ́lɔ ɗátú ka Kɔlítɔ, Pɔ́lɔ áophoɗa ka nji á mamba-mamba, áodida ka Ɛphɛ́sɔ. Kó, áǒdonda ɓagoigi ɓuangbo,

Ekuma á ɓateki 21:5

Ɓî ɓegɔɓi ye pɔsɔ ndɔ, ɓê gǎkɛ ɔmɛa. Ɓaɓeeki ɓɔbu kimoci na ɓake aɓɔ na ɓánaɓɔ, ɓáoga ɔsɔ́ɔkɔwa ka ngba á ntanga-nji. Ɓesu ɓɔbu, ɓéogbúka muanku asu k'ɔ́ɓɛɛ á oɓenge, ɓɛ́ɔmɛma Mokonga.

Ekuma á ɓateki 28:10

Ɓakpa ɓáosóɗokomisa phɛɛ. Ka mɛɛa asu, ɓáosótumbanea na kema nde ɗéɓenasiki í ka tamba.

Ɓalɔ́ma 15:24

Mbenɔ nde negande na Spanía, neseɓei gea nɛnɔɔnande ka nyɛ́nyani na ɓomotaɓeande ka tamba ndɔɔ. Neɓande na maseye á ika na ɓenu ka mbenɔ ábɔa.

1 Ɓakɔlítɔ 16:11

Ka ɓenu moci kamɓɛnjiɛgɛ mɔnɔ. Ɓónengambɛ ánjá ka tútuisa tamba nɛkɛ na ɓujɛjɛ, ka gea, ámodondɛ nga, neomɓondeaga kimoci na ɓadani.

1 Ɓakɔlítɔ 16:12

Ka nyɔngɔ á dasu Apɔ́lɔ, ɗénɗengemisigi gea, ágɛ mɔtɛ-anu kimoci na ɓadasu ɓuangbo. Nna gǎkɛ na siki á gǎ kɛ̌kɛnde. Agande ka mbenɔ nde akondande.