Títɔ 3:10 - Ɔngana á Kɛ̌kɛ

¹⁰ Cɔ, nkpa nde aobikisa katanaga, nkéa mɔngɔ iɓɛ, mpɔ ómphapheɛ.

Títɔ 3:10 Iomraidhean Croise

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 11:19

(Eya, akeni katanaga áɓɛ sɔsɔɓɛ anu ka gea, ɓakiísito á ɗoni ɓáɔnɛkanɛ sɔsɔɓɛ anu.)

2 Ɓakɔlítɔ 13:2

Nena nyɔngɔ á ngoɗea ɓakpa nde ɗáɓági ɓojeɗe mosá na ɓenu ɓɔbu phɔtɔ. Ɗéneyɔngi ú ɓî ɗétú na ɓenu ka tamba nɛmɔ á ko iɓɛ. Nesikíí goto kɛ̌kɛnde na nekéɓei. Ka tamba ndea mbusa ɓî neɓande kó, kénkuiɛku ye nkpa ngomi.

Ɓagalatía 5:12

Cɔ, ɓakpa nde ɓáobika n'oyombɔ sɔsɔɓɛ anu, ɓáétongoɛ ye tɔ sasaɓɔ!

Ɓagalatía 5:20

ɗokomisa á ɓamokonga á mbɛa na eemba, ngíní, sani, nsengo, esúia, kuma, katanaga ka ketoto.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

2 Timɔtɛ́ɔ 3:5

Ɓáɔɔnɛkana ka nsɛgɛ ɓea ɓakpa nde ɓáomɓánga Mokonga, na ɓáyé ndiu ɓukpɛkpɛ á Mokonga. Cɔ, óɓángisani na ɓakpa ndɔɔ.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ