Títɔ 2:8 - Ɔngana á Kɛ̌kɛ

⁸ Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

Títɔ 2:8 Iomraidhean Croise

Málikɔ 12:17

Yéso â gǎkɛ ǒsikisia: «Mophani Kaisáa kema nɛkɛ, ɓómophɛ phɔtɔ Mokonga kema ínɛkɛ.» Ɓáɔ́ki ye ɓó, ɓáotangaaga.

Málikɔ 12:28

Nɗundu-ɛɔphi moci aɔ́ki ye yɔngaga nde Yéso ɗátú na Ɓasadukáyɔ kau, áoɗigimisa gea, yɛ ayɔngi ánjá. Kaɓondɔ, â phɔtɔ omúsia gea te: «Ngoisigi, ɛɔphi sina nde anyɛ́nyi nɛngbo bui?»

Málikɔ 12:32

Nkpa ndɔ áonsikisia te: «Ngoisigi, ɔyɔngi ánjá phɛɛ. Ande ɗoni. Mokonga a tɔ mo. Nna na dakɛ.

Málikɔ 12:34

Yéso aɔni ye kɔɓɔɔngɛ nde ɗátú suɓi á ɓoabi ndea nɗundu-ɛɔphi ndɔ, áongoɗea: «Kó ɗanga na koɓoamɛ ndea Mokonga.» Mbusa á wa, ka ɓakpa ɗákákengi ye úsia akɛ.

Lóka 13:17

Ɓî Yéso ɗáyɔngi ɓó, ɓaɓiɓia akɛ ɓɔbu ɓáokuwa na soni. Usɛsɛ á ɓakpa ɓɔbu ɓáoɓá na maseye ka kema á ketangaɔ ɗanga-ɗanga nde Yéso ɗátɔtɔkisi.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.