Títɔ 2:2 - Ɔngana á Kɛ̌kɛ

² Óngoɗea ɓaphomi á ɓǒko gea, ɓáɓɛ ɓato-éamba sasaɓɔ, ɓato-éɗokomisa, ɓato á kanisia ánjá, ɓáɓɛ na ɓeekea akpɛ, suɓi ékondi na phiphia.

Títɔ 2:2 Iomraidhean Croise

Málikɔ 5:15

Ɓáobika bíbí á Yéso, ɓáɔmɔna nto á kukuwa á ɓansombo ɓásii n'aiki ka oɗo, n'aɔ́li bɔngɔ ánjá, n'aye tɔ oúbapha. Ɓakpa ndɔ ɓâ gǎkɛ oɓá na kɔɓɔɓɔkɔ.

Lóka 8:35

Ɓakpa ɓáobika ɔɔna kema nde ɗágeani. Ɓáɔmɔna Yéso na nkpa ndɔ ɓansombo ɗáɓánjúani, n'aiki k'écinji á Yéso. Ɗáɔ́li ye tɔ bɔngɔ ánjá, â ye tɔ oúbapha. Ɓunde ɓákiɗi, ɓáoɓá na kɔɓɔɓɔkɔ.

Ekuma á ɓateki 24:25

Ɓî Pɔ́lɔ ɗátú ɔyɔnga nyɔngɔ á koɗoni, ɛngɛpha na tena á nyɔngɔ akpɛ nde abikaeka, Phelíki áoɓá na kɔɓɔɓɔkɔ. Áongea Pɔ́lɔ te: «Ka kɛ̌kɛnde, gǎ phɔ́! Nɛkɔɔphanande goto mbenɔ nɛngbo.»

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

1 Ɓakɔlítɔ 15:34

Cɔ, sikiani kanisia ánjá, ɓóɗeketɛ ɓojeɗe. Ɓakpa ɓuangbo sɔsɔɓɛ anu ɓánáomúba Mokonga. Nɛyɔngi ɓó ka kusa anu na soni.

1 Ɓakɔlítɔ 9:25

Nga, nkpa buakɛ mmbé akondi ngia ka njoko, akeni átaeɛgɛ. Aogea ɓondɔ ka gea te, ɓámophɛ ɛkɔmi á mokonda, nnde aújukanande. Ɓesu gǎkɛ, ɓeogea nɛsu ka gea, ɓéɓɛ n'ɛkɔmi nde káújukanɛku.

2 Ɓakɔlítɔ 5:13

Cɔ, aoɓá na ɓebóbóki, a tɔ ka Mokonga. A gǎkɛ oɓá na ɓeoúbapha, a ka ɓenu.

Ɓagalatía 5:23

ɓɔphɔngɔ, ɛngɛpha. Ɛɔphi nnaoimisia ka kema ndɔɔ.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

1 Ɓatɛsalɔníka 5:6

Kaɓondɔ, ɓókoyengiɛmbɛ. Koɗani ndiu iso, ɓóɛngɛphɛ.

1 Ɓatɛsalɔníka 5:8

Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

1 Timɔtɛ́ɔ 1:10

ɓato á iɛɓɛ, ɓǒko íɓunde ɓáoɗaga na ɓadaɓɔ ɓǒko, ɓasombisigi ɓakɔɓɛ, ɓato á mbɛa, na ɓakpa nde ɓáɔɔpha ka mbɛa, na ɓunde ɓákáoɓeekea ɓɔphɛi á kanga ɓojeɗe.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 3:11

A phɔtɔ ɓó ka ɓake, ɓáɓɛ ɓakpa nde ɓákeni na ɔ́ka aɓɔ, ɓákáɓɛmbɛ n'ɛsɔ ájeɗe-jeɗe, ɓáambɛ tambea aɓɔ ánjá sasaɓɔ na ɓáɓɛ ɓato á ɗoni ka kema bui.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 3:4

Áangɛ endu nɛkɛ ánjá, ɓaniki nɛkɛ ɓáɔ́kɛ ɓɔphɛi nɛkɛ ɗoni.

1 Timɔtɛ́ɔ 3:8

Ɓabɛɗanigi ndea ka kanisa ɓáɓɛ phɔtɔ ɓakpa nde ɓákeni na ɔ́ka aɓɔ, ɓato á ɗoni, ɓákáɓɛmbɛ ɓanu-makana phɛɛ, ɓákakáɓɛmbɛ imɔna ka maibe-maibe.

1 Timɔtɛ́ɔ 5:1

Kómphekeɛgɛmbɛ ngbɛga, ntɔ̌mia ndiu nyɔngɔ ɓea abakɔ. Ɔ́tɔmia phɔtɔ ɓaganda nyɔngɔ ɓea ɓana-amakɔ,

Títɔ 1:13

Nyɔngɔ bui nde ɓáyɔngi ka phɔa Ɓakɛɛ́tɛ, ande ɗoni. Kaɓondɔ, óphekeaga akpɛ phɛɛ ka gea, ɓáɓɛ na ɓeekea á ɗoni,

Títɔ 1:8

Áɓɛ ndiu nsesi á ɓakɛni, nto á konda kema nde aánjá, nto á kanisia ánjá, nto á koɗoni, nto á kanga á ɓojeɗe, nto-éamba sasakɛ.

Títɔ 2:7

ka kema bui. Oɓɛ sasakɔ, óɓɛ mphangiɔ k'ékuma ánjá. Góisaga tɔ ɓɔphɛi á ɗoni, nnde akeni.

Philɛmɔ́nɔ 1:9

nekondi gǎkɛ ɗengemisaga akɔ ɓó k'ína ékondi. Eya, eme Pɔ́lɔ, ne ye ngbɛga, na kɛ̌kɛnde ne phɔ́tɔ nto á mekakɔ ka nyɔngɔ á Kiísito Yéso.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

2 Pɛ́tɛɛ 1:6

na gǔ á úba á Mokonga, ɓóyameɛ ɛngɛpha na gǔ á ɛngɛpha, ɓóyameɛ moíngí na gǔ á moíngí, ɓóyameɛ tambea ánjá mosá á Mokonga,