Títɔ 2:13 - Ɔngana á Kɛ̌kɛ

¹³ Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Títɔ 2:13 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Ekuma á ɓateki 24:15

Nena nseɓeɔ ka Mokonga, ɓíndɔ ɓakpa ndɔ ɓá ně gea, ɓakpa ɓ'ánjá na ɓakpa ɓ'ájeɗe ɓɔbu ɓájujukande ka kukuwa.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 8:18

Nɛɔni gea tambaga bui nde ɓeně kɛ̌kɛnde kákengeani na ɓoombia nde Mokonga asóphangiande base.

1 Ɓakɔlítɔ 1:7

Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Ɓatɛsalɔníka 2:8

Mpɔ, Nto á otúkɔtúkɔ áɔɔnɛkana base. Mɔkɔta Yéso ammowande na ɛphɛu á k'aphenɔkɔ akɛ, ka ɓukpɛkpɛ á ɓoombia nɛkɛ aunge antúkatúkande mɓiɓia ndɔ, ka mbenɔ nde yɛ Yéso abikande.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Títɔ 3:4

Cɔ, ɓî Mokonga Namisi nɛsu, ɗáphangi gǎkɛ base ɓonjánja na ekondi nɛkɛ ka ɓakpa,

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 4:14

Ɓesu, ɗɛ́ɓɛɔni na ɗigimisa gea, Abɛ ɗánteki Miki-mǒko nɛkɛ áɓɛ Namisi á mokonda.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.