Títɔ 2:12 - Ɔngana á Kɛ̌kɛ

¹² Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Títɔ 2:12 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 1:6

Ɓɔbu ɓaɓɛ ɗáɓátú ɓato á koɗoni k'íso á Mokonga. Ɗáɓáotambea ɓíndɔ ɛɔphi bui ndea Mɔkɔta ayɔngi, na tɔtɔkisa á kema bui nde Mokonga ɗáososea kángá kisɛki.

Lóka 1:75

ɓéɓɛ na ɓonjánja na koɗoni mosá akɛ ka enda asu bui.

Yoáni 14:30

Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani,

Yoáni 6:25

Ɓî ɓándondi ye Yéso kubi á etǔ, ɓáomúsia: «Ngoisigi, mbenɔ sina nde okiɗimá koni?»

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ekuma á ɓateki 24:25

Ɓî Pɔ́lɔ ɗátú ɔyɔnga nyɔngɔ á koɗoni, ɛngɛpha na tena á nyɔngɔ akpɛ nde abikaeka, Phelíki áoɓá na kɔɓɔɓɔkɔ. Áongea Pɔ́lɔ te: «Ka kɛ̌kɛnde, gǎ phɔ́! Nɛkɔɔphanande goto mbenɔ nɛngbo.»

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 6:12

Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓakɔlɔsái 1:22

Kɛ̌kɛnde gǎkɛ, Mokonga anɔɔnganisi na yɛ ka nyɔngɔ á kukuwa á Anakɛ ka nyama akɛ á kokpa ka gea, ánokiɗianisɛ mosá akɛ, ɓato á kanga ɓojeɗe, kángá kisɛki n'oyeyɔ.

1 Ɓatɛsalɔníka 4:7

Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

1 Ɓatɛsalɔníka 4:9

Cɔ, ka nyɔngɔ ékondani, ké na nyɔngɔ á ɗunduia anu. Nga, Mokonga sasakɛ, ɗánóphangí aphe ndɔ kala.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 6:17

Óngoɗea ɓatɔi á ka mokonda á kɛ̌kɛnde gea, ɓákěbebɛmbɛ, phɔtɔ ɓákáseɓeɛmbɛ ɛtɔi nde nna koiphia ka ujukana. Ɓánseɓeɛ ndiu Mokonga mmbé aosópha kema bubui ka gea te, ɓéɓɛ na maseye ka phɔa í.

1 Timɔtɛ́ɔ 6:9

Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

2 Timɔtɛ́ɔ 3:12

Ɓakpa ɓɔbu ɓunde ɓákondi enda ka beba á Mokonga ka jukana aɓɔ na Kiísito Yéso ɓáetambisagande.

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 8:11

Nkpa sɔsɔɓɛ aɓɔ káɓɛku ye na siki á goisaga dakɛ, kaɓɛ muna-amakɛ gea te, ambe ómúbɛ Mɔkɔta nga, ɓakpa ɓɔbu ɓámúbande, kpanga ka ɓaniki na sungiaga ka ɓagbɛga.

Yakɔ́ɓɔ 1:27

Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

1 Yoáni 2:27

Ɓî ɓo ye tɔi Měma á Mokonga nnde a suɓi anu, ɓókó ye gǎkɛ na siki á ngoisigi ɓaangbo. Nga, Měma á Mokonga aonógoisaga kema bui. Goisaga nɛkɛ ande á ɗoni, nna á mbɛa. Kaɓondɔ, ɔnganani na Kiísito ɓíndɔ Měma á Mokonga atónogoisigi.

1 Yoáni 2:6

Cɔ, mmbé agi gea, aɔngani na yɛ, akeni tambea akɛ ákengeanɛ n'índe á Yéso.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»

Mphaniɔ 14:12

Cɔ, ka ɓondɔ unge, ɓato á Mokonga, ɓunde ɓáoamba ɛɔphi nɛkɛ, na ɓeekea á Yéso, akeni ɓáphiphiɛ tambaga.»