Títɔ 2:11 - Ɔngana á Kɛ̌kɛ

¹¹ Eya, Mokonga asóphangi base ɓonjánja-ékondi nɛkɛ, n'ande cina á ɓoamia á ka měma ka ɓakpa ɓɔbu.

Títɔ 2:11 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Lóka 24:47

Goto ka ina akɛ unge ɓɛ̌phɛande ɓato á ka ekuna bui, kpanga ka Yɛusalɛ́ma gea te, ɓákětiɛ tambea aɓɔ, mpɔ Mokonga áímɛ ɓojeɗe nɛɓɔ.

Lóka 3:6

Kaɓondɔ, ɓakpa ɓɔbu ɓáɔnande gǎkɛ ɓoamia ndea Mokonga.»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:9

Owanga ndɔ unge ɗátú tɔ á ɗoni, nnde abiki ka mokonda, n'aɔbɛnya ka ɓakpa ɓɔbu.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 13:43

Ka phanjekanaga á ɓakpa, Ɓayúda ɓásii na ɓato á k'ékuna nɛngbo ɓunde ɗáɓáɓeeki esomba ndea Ɓayúda, ɓáomɓea Pɔ́lɔ na Baanába. Ɓɔ, ɓáɔyɔngaga na ɓɔ, ɓáǒgbagisaga měma gea, ɓáikɛ ka ɓonjánja-ékondi ndea Mokonga.

Ekuma á ɓateki 13:47

Nga, Mokonga asososi suɓi á Ɓuku nɛkɛ ɓe: ‹Ɗéomesi ɓea ɔbɛa k'ékuna bui, ka gea, ɓakpa ɓáɓɛ na ɓoamia ka mokonda bui.›»

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ɓalɔ́ma 10:18

Nemáogea: Ande gea te, Ɓayúda ɗáɓákáɔ́ki mɔnɔ ka mbino kau? Eya, ɗáɓáɔ́ki! Ɓuku á Mokonga agi: «Ɛsɔ á ɓatɔmigi-mbino ɗáɔ́kɛkani k'ɔ́ma bui ka mokonda, mbino nde ɗáɓáɔtɔmiaga áɔɛmba mokonda bui.»

Ɓalɔ́ma 5:15

Cɔ, ɓojeɗe ndea Adámu atingani phɛɛ n'egabɔ á ɓonjánja-ékondi ndea Mokonga. Eya, aoɓá ka nyɔngɔ á ɓojeɗe á nkpa moci tɔ aunge ɓakpa ɓásii ɓáokuia, cɔ, Mokonga ayami gǎkɛ ɓonjánja-ékondi nɛkɛ phɛɛ ka phɔa ɓakpa ɓásii na egabɔ a tɔ ɔtɔtɔkɛana ka nkpa moci mmbé ɓáɔmɔphana Yéso Kiísito.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 2:21

Kéɗoɛku ɓonjánja-ékondi ndea Mokonga. Nga, aoɓá ɛɔphi unge aombisa nkpa nto á koɗoni mosá á Mokonga, ámbé Kiísito ɗáku tɔ nɛkɛ jǎi.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

2 Timɔtɛ́ɔ 1:10

Kɛ̌kɛnde, ɓonjánja-ékondi ndɔ aúbikani base ka kiɗia á Namisi nɛsu Kiísito Yéso. Yɛ aámbé agɔɓi ɓukpɛkpɛ á kukuwa, áosóphangia base enda á mɛyɔ ka Mbino-Ánjá nɛkɛ.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.