Títɔ 1:9 - Ɔngana á Kɛ̌kɛ

⁹ Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 1:9 Iomraidhean Croise

Ekuma á ɓateki 18:28

Nga, ɗétɔki Ɓayúda akpɛ ka nyɔngɔ á suɓi á Ɓuku á Mokonga nde ɗáoúbisa base ka nkíndí á ɓakpa gea, Yéso ande Kiísito.

1 Ɓakɔlítɔ 14:24

Cɔ, kaɓɛ gǎkɛ ɓakpa ɓɔbu na ɓáɔɔtɔa nyɔngɔ nde atóki ka Mokonga, nkpa jaǐ-jǎi na mmbé nna mɓêki n'angi, aengekisande ɓojeɗe nɛkɛ ka nyɔngɔ ndɔ aɔɔ́ka. Ɓátenande nyɔngɔ nɛkɛ ka ɓeana na nnde aɔɔ́ka.

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

1 Timɔtɛ́ɔ 1:10

ɓato á iɛɓɛ, ɓǒko íɓunde ɓáoɗaga na ɓadaɓɔ ɓǒko, ɓasombisigi ɓakɔɓɛ, ɓato á mbɛa, na ɓakpa nde ɓáɔɔpha ka mbɛa, na ɓunde ɓákáoɓeekea ɓɔphɛi á kanga ɓojeɗe.

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 4:9

Nndɔ ande nyɔngɔ á ɗoni nnde akeni ka ɓakpa ɓɔbu ɓeekea í.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

2 Timɔtɛ́ɔ 3:14

Oɓɛ, ɓeá tɔ ɓɔphɛi nde ɗɔ́ɔ́ki na nnde ɗóengekisi ánjá nga, ǒɓúba ɓagoisigi nde ɗáɓákogoisigi ú.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Títɔ 2:1

Cɔ, oɓɛ gǎkɛ, góisaga tɔ nnde akeni ka goisaga á ɗoni.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.

Mphaniɔ 2:25

Ambani ndiu tɔ ánjá nyɔngɔ nde ɓo kau na ka ɓî nejaeka.

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.