Títɔ 1:6 - Ɔngana á Kɛ̌kɛ

⁶ Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Títɔ 1:6 Iomraidhean Croise

Lóka 1:5

Ka matú á Ɛlɔ́dɛ, moamɛ á ka Yudɛ́a, nkpa moci ɗátú ntoɓeigi-phɛ́a ina akɛ Jakaía. Yɛ, ɗátú ka ketoto ndea Abíya. Nkakɛ Ɛlijabɛ́ti ɗátú k'ékombo ndea Alɔ́ni.

Ɓaɛphɛ́sɔ 5:18

Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

1 Timɔtɛ́ɔ 3:12

Ɓabɛɗanigi ndea ka kanisa ɓáɓɛ tɔ na ɓake moci-moci. Ɓáɓɛoanga ekombo nɛɓɔ bui ánjá, ɓaniki na ɓakpa ɓɔbu ɓunde ɓá k'éndu nɛɓɔ.

Títɔ 1:10

Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.