Títɔ 1:5 - Ɔngana á Kɛ̌kɛ

⁵ Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.

Títɔ 1:5 Iomraidhean Croise

Ekuma á ɓateki 11:30

Ɓagbɛga ɓáogea ɓó. Baanába na Saúlɔ ɓáotanga imɔna ndɔ ka ɓagbɛga á kanisa á ka Yudɛ́a.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 2:11

ɓundɔ Ɓayúda, na ɓundɔ ɓáɓeeki esomba ndea Ɓayúda, na ɓato á ka Kɛɛ́tɛ na ɓato á ka Alabía. Cɔ, ɓɛɔɓɔ́ka na ɓáɔyɔnga ketangaɔ ndea Mokonga ka ɛyɔngi ndeasu ɗanga-ɗanga ka ɓo!»

Ekuma á ɓateki 27:12

Cɔ, ɓî ikɔ ndɔ ɗákátú ánjá ka ika á ɓei ka matú á phiɔ, ɓakpa ɓásii á suɓi á koko ɓáoɓeekeana tóka á kó ka gea, kaɓɛ n'atɔtɔkɛani ɓákiɗiɛ na Phɔiníkɛ, ka ɓondeaga á sia á matú á phiɔ kó. Phɔiníkɛ ande ikɔ moci ka kesanga á ka Kɛɛ́tɛ, ɗátú kɔɔnjia nkɛkɛɔ á kusi á oyonga na gǔ á oyonga.

Ekuma á ɓateki 27:13

Cɔ, ɓî maphopho ɗáosinda ka toka á kusi, ɓáokanisia te, moangɔ nɛɓɔ atɔtɔkɛanande. Kaɓondɔ, ɓáophúia etae á kigisa á koko, ɓáokpangbaga ka mpɛphɛ á Kɛɛ́tɛ.

Ekuma á ɓateki 27:21

Ɓakpa nde ɗáɓátú suɓi á koko, ɗáɓákáigi ka mbenɔ ásii. Cɔ, Pɔ́lɔ áoma sɔsɔɓɛ aɓɔ, áǒngoɗea te: «Ɓaya, ɗóɓokeni ɔ́ka ani gea, ɓékétokɛmbɛ ka Kɛɛ́tɛ. Ɗátúoɓá n'a ɓó, ámbé nkumba ka kɔndɔkani na ngia anu ka ɓuyɛnɛ ndee.

Ekuma á ɓateki 27:7

Ɗéɓegi esa ásii ɓî koko ɗáotamba ɓokɛ-ɓokɛ, ɓéojua ka ntanga-nji á ka Kinídɔ k'akpɛ phɛɛ. Ɓî sumbu ɗákáosopha aphe ka tútuisa tamba nci ndɔ, ɓɛ́ɔnyɛ́nyɛa ka Salmɔ́nɛ nci á kusi á kesanga á Kɛɛ́tɛ, ɔma nde sumbu ɗákáosinda akpɛ.

1 Ɓakɔlítɔ 11:34

Aoɓá nkpa n'ana nja, áeɛgɛ k'éndu nɛkɛ, ka ɓangisa gea, mbenɔ nde ɓoodondanaga, Mokonga katenɛmbɛ nyɔngɔ nɛnu. Cɔ, nɛɓɔngisiagande nyɔngɔ nɛngbo, nnde ajigi, mbenɔ nde nejuande mɔtɛ-anu.

1 Ɓakɔlítɔ 14:40

Ambe kema bui ágeanɛ ndiu ka moangɔ ánjá na ɓíndɔ akeni.

1 Ɓakɔlítɔ 4:17

Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

Ɓakɔlɔsái 2:5

Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

Títɔ 1:12

Cɔ, nto á ka Kɛɛ́tɛ moci, mmbé ɗátú mɔtu-nyɔngɔ ndea Mokonga, ɗáyɔngi ɓe: «Ɓakɛɛ́tɛ ɓánde ɓato á mbɛa esa bui, ɓanyama ɓájeɗe, ɓakákutɛ, ɓaútu.»