Títɔ 1:4 - Ɔngana á Kɛ̌kɛ

⁴ Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Títɔ 1:4 Iomraidhean Croise

Lóka 2:11

Kesande, Namisi aɓɔkɔtɛani kanu ka ntanga-nji ndea Daúdi. Ande Mɔkɔta Kiísito.

Yoáni 4:42

Ɓaɓêki ndɔ ɓáongoɗea nke ndɔ te: «Ɓékéɓeeki tɔ ka nyɔngɔ índe ɔsɔ́tɔ̌mi. A ndiu ka nyɔngɔ nde ɓɛɔ́ki nɛsu sisasu na ɓeoúba gea, mmbé ande Namisi á ɓato á ka mokonda ɗoni.»

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

2 Ɓakɔlítɔ 12:18

Nga, ɓî nenɗengemisigi Títɔ ágɛ mɔtɛ-anu kimoci na dasu moci, ɗánoúti mɔnɔ ka kema? Ande gea te, Títɔ n'eme, tambea asu nna k'aphe moci?

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 4:13

Ɓuku á Mokonga agi te: «Ɓî ne ye ɓeeki aunge nɛtɔ́yɔngi.» Cɔ, ɓesu phɔtɔ, ɓena ɓeekea ndɔ suɓi asu. Kaɓondɔ unge, ɓɛɔyɔnga.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

2 Ɓakɔlítɔ 8:23

Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

2 Ɓakɔlítɔ 8:6

Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

Ɓagalatía 2:3

Títɔ mmbé ɗéɓetú na yɛ, nanga ɓî ɗátú Mogiíki nna gǎkɛ na nkpa nde ɗáonsosea gea, águɛ ganja,

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 1:2

Ambe Abasu Mokonga na Mɔkɔta Yéso Kiísito, ánophɛ́ ɓonjánja-ékondi na ɓujɛjɛ.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

2 Timɔtɛ́ɔ 1:1

Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

2 Pɛ́tɛɛ 3:2

Kanisiani nyɔngɔ nde ɓaɔtu-nyɔngɔ ndea Mokonga ɗáɓánógoisigi ka phɔa Mɔkɔta na Namisi.

1 Yoáni 5:14

Cɔ, ɔnani nseɓeɔ nde ɓeně mosá á Mokonga: Aoɓá na ɓɛmmɛmi kema ɓíndɔ akondi, asɔɔ́kande.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.