Títɔ 1:3 - Ɔngana á Kɛ̌kɛ

³ Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Títɔ 1:3 Iomraidhean Croise

Málikɔ 1:15

Áogea te: «Cɔ, mbenɔ ajú nga, koɓoamɛ ndea Mokonga a ye tɔ bíbí. Kětiani tambea anu ájeɗe, ɓóɓeekeɛ Mbino-Ánjá.»

Málikɔ 13:10

Eya, mosá á sungiaga á mokonda, akeni Mbino-Ánjá áɛmbɛ ka ɓato á k'ékuna bui.

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Lóka 1:47

měma ani ana maseye phɛɛ ka Namisi nɛmɔ Mokonga,

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ekuma á ɓateki 17:26

Ɗáconji ekuna bui á ka mokonda kpangea á ka nkpa moci, ka gea, ɓáikɛ k'ɔ́ma bui ka mokonda. Ɗábisi matú ɗanga-ɗanga na bisa á muwɔ á ɔma á ɓoiki nɛɓɔ.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 5:6

Cɔ, ɓî ɗéɓékétú phɔ́ na ka ɓukpɛkpɛ, Kiísito ɗáku ka phɔa ɓato á ɓojeɗe ka mbenɔ ánjá nde Mokonga ɗáangi.

1 Ɓakɔlítɔ 9:17

Atúoɓá eme aámbé ɗɛ́sɔmbu ekuma nde sasani, ámbé netókeni na tɔá á ophendɔ. Cɔ, ka ɔna gea ɓámososi, akeni gǎkɛ tɔ nɛ́tɔtɔkisɛ ú.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓaɛphɛ́sɔ 2:17

Ande gea, Kiísito ɗábiki ɔtɔmiaga Mbino-Ánjá á ɓujɛjɛ ka ɓakpa ɓɔbu. Ka ɓenu ɓato á k'ekuna nɛngbo, ɓunde ɗóɓotú ɗanga na Mokonga, phɔtɔ ka Ɓayúda ɓunde ɗáɓátú bíbí akɛ.

Ɓaphilípi 1:13

Nga, ɓaɓondigi ɓɔbu éndu ndea moamɛ angbóngbó na ɓakpa ɓunɛngbo ɓɔbu, ɓáoúba base gea, ne ka mekakɔ ka nyɔngɔ á bɛɗaneaga á Kiísito.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

1 Timɔtɛ́ɔ 2:3

Nndɔ unge aánjá na amɓɔngɛi Mokonga, Namisi nɛsu.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Títɔ 2:10

kángá á úɓa kema nɛɓɔ. Ɓéphangiɛ sasaɓɔ esa bui gea, ɓánde ɓakpa nde ɓakeni na ɓeekea aɓɔ, ka gea ɓáɗokomisɛ goaga nyɔngɔ ndea Mokonga, Namisi nɛsu ka kema bubui.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Mphaniɔ 14:16

Mpɔ, Malaéka ndea Mokonga ímbe ɗáiki gǔ egugu, áɔɔpha píndí nɛkɛ gǔ á mokonda, ɗúngú áoɓá ka mokonda.