Títɔ 1:15 - Ɔngana á Kɛ̌kɛ

¹⁵ Cɔ, kema bui nnde kájɔɔkani a ka phɔa ɓunde ɓákájɔɔkani, nna gǎkɛ na ka kema nde kájɔɔkani nnde a ka phɔa ɓunde ɓájɔɔkani na ɓunde ɓákámɓeeki Mokonga nga, úbapha aɓɔ, na měma aɓɔ ajɔɔkani.

Títɔ 1:15 Iomraidhean Croise

Matáyɔ 15:18

Kema nde a gǎkɛ otóka ka měma á nkpa, aunge aojuana k'aphenɔkɔ akɛ, na kema ndɔ unge aɔnjɔɔkisa nkpa.

Ekuma á ɓateki 10:15

 goto ɔɔ́ka ɛsɔ ndɔ ɓe: «Kema nde Mokonga asokosei, kogeɛmbɛ mɔnɔ ajɔɔkani.»

Ɓalɔ́ma 14:14

Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.

Ɓalɔ́ma 14:20

Kóujɛmbɛ ekuma ndea Mokonga ka nyɔngɔ á eea. Ɗoni, eea bui nna n'otaɔ a ndiu ájeɗe ea eea nde aongisisa nkpa ka gea ɓojeɗe.

Ɓalɔ́ma 14:23

Mmbé gǎkɛ aoeaga n'ana ngǎka, Mokonga atenande nyɔngɔ nɛkɛ akpɛ ka nyɔngɔ nde, tambea akɛ nnaɔɔnisa mɔphɛ á ɓeekea na nndɔ bui ande ɓojeɗe.

1 Ɓakɔlítɔ 10:23

Ɓakpa ɓunɛngbo sɔsɔɓɛ anu ɓáɔyɔnga te: «Ɓásosi tɔ kema bubui.» A ɓó! Nna gǎkɛ kema bubui unge aoenga ka mɔtisa á ɓeekea.

1 Ɓakɔlítɔ 10:25

Ɓoodonda kema nde ɓáosombisa ka mosomba, eani ú na měma á kanga ngǎka, kángá á úsiaga.

1 Ɓakɔlítɔ 10:31

Cɔ, kaɓɛ na ɓooeaga, ɓoonoa na ɓoogea kema sina, geani tɔ kema bubui ka sega á Mokonga.

1 Ɓakɔlítɔ 8:7

Cɔ, ɓakpa ɓɔbu ɓáná gǎkɛ oúba ɗoni ndɔɔ. Ɓakpa ɓuangbo ɓáɛmbani gǎkɛ na beba á ɓamokonga á mbɛa. Na ka kɛ̌kɛnde, aoɓá na ɓáí eea ɓíndɔ, ɓá phɔ́tɔ okanisia te ɓáí nyama á phɛ́a. Ɓakpa ndɔ, úbapha aɓɔ akusi, ɓáɔɔna gea ɓájɔɔkani ka nyɔngɔ á nyama ndɔɔ.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.