Títɔ 1:12 - Ɔngana á Kɛ̌kɛ

¹² Cɔ, nto á ka Kɛɛ́tɛ moci, mmbé ɗátú mɔtu-nyɔngɔ ndea Mokonga, ɗáyɔngi ɓe: «Ɓakɛɛ́tɛ ɓánde ɓato á mbɛa esa bui, ɓanyama ɓájeɗe, ɓakákutɛ, ɓaútu.»

Títɔ 1:12 Iomraidhean Croise

Ekuma á ɓateki 17:28

Nga: ‹Ka nyɔngɔ akɛ unge, ɓeoenda, ɓeotamba, ɓeɓei.› A ɓíndɔ ɓatɔmigi-mɛní nɛnu, ɓági: ‹Ɓende ɓ'anakɛ.›

Ekuma á ɓateki 2:11

ɓundɔ Ɓayúda, na ɓundɔ ɓáɓeeki esomba ndea Ɓayúda, na ɓato á ka Kɛɛ́tɛ na ɓato á ka Alabía. Cɔ, ɓɛɔɓɔ́ka na ɓáɔyɔnga ketangaɔ ndea Mokonga ka ɛyɔngi ndeasu ɗanga-ɗanga ka ɓo!»

Ekuma á ɓateki 27:12

Cɔ, ɓî ikɔ ndɔ ɗákátú ánjá ka ika á ɓei ka matú á phiɔ, ɓakpa ɓásii á suɓi á koko ɓáoɓeekeana tóka á kó ka gea, kaɓɛ n'atɔtɔkɛani ɓákiɗiɛ na Phɔiníkɛ, ka ɓondeaga á sia á matú á phiɔ kó. Phɔiníkɛ ande ikɔ moci ka kesanga á ka Kɛɛ́tɛ, ɗátú kɔɔnjia nkɛkɛɔ á kusi á oyonga na gǔ á oyonga.

Ekuma á ɓateki 27:13

Cɔ, ɓî maphopho ɗáosinda ka toka á kusi, ɓáokanisia te, moangɔ nɛɓɔ atɔtɔkɛanande. Kaɓondɔ, ɓáophúia etae á kigisa á koko, ɓáokpangbaga ka mpɛphɛ á Kɛɛ́tɛ.

Ekuma á ɓateki 27:7

Ɗéɓegi esa ásii ɓî koko ɗáotamba ɓokɛ-ɓokɛ, ɓéojua ka ntanga-nji á ka Kinídɔ k'akpɛ phɛɛ. Ɓî sumbu ɗákáosopha aphe ka tútuisa tamba nci ndɔ, ɓɛ́ɔnyɛ́nyɛa ka Salmɔ́nɛ nci á kusi á kesanga á Kɛɛ́tɛ, ɔma nde sumbu ɗákáosinda akpɛ.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

1 Timɔtɛ́ɔ 4:2

Ɓáedemisande na ɓato á maibe, na ɓato á mbɛa íɓunde měma aɓɔ aújúkani ɓea kema nde ɓátoɓu na ngɔa nde atóki suɓi á nsa.

Títɔ 1:5

Cɔ, ɗékosagi ka kesanga á Kɛɛ́tɛ ka gea, ɔ́ɓɔngisɛgɛ nyɔngɔ bui nde ajigi, na bisa á ɓagbɛga á kanisa ka ntanga-nji bui, ɓíndɔ ɗékososi.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:15

Mbusa á ɗeketa aɓɔ aphe á ɗoni, ɗáɓáɓúngigi, ɓáoɓea aphe ndea Baláma muna Bɛɔ́li. Yɛ, ɗákondi tɔá á imɔna k'aphe ájeɗe,