Títɔ 1:10 - Ɔngana á Kɛ̌kɛ

¹⁰ Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.

Títɔ 1:10 Iomraidhean Croise

Matáyɔ 23:14

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒúta ɓake á kekusa nkumba nɛɓɔ bui, goto ɓɔɔmɛma éndǎ ka gea ɓakpa ɓánɔɔnɛ. Kaɓondɔ unge ɓátenande nyɔngɔ nɛnu akpɛ phɛɛ!]

Ekuma á ɓateki 11:2

Ɓî Pɛ́tɛɛ asikianigi ye na Yɛusalɛ́ma, ɓaɓêki ɓundɔ Ɓayúda ɓáopúa na yɛ,

Ekuma á ɓateki 15:1

Mbusa, ɓakpa ɓuangbo, ɓunde ɗáɓátóki na Yudɛ́a, ɓáoga ka ntanga-nji á Antiɔkía á ka Sulía. Ɓáju ye kó, ɓáokpanga goisaga á ɓadaɓɔ ɓaɓêki ɓɔbu nyɔngɔ ndee: «Aoɓá na ɓókógú ganja ɓíndɔ ɛɔphi ndea Mósa asosi, ɓókótɔkɛku na ɓoami ka měma.»

Ekuma á ɓateki 15:24

Ɓɛɔ́ki gea, ɓakpa ɓuangbo ka ɓesu ɓátóki koni kángá á moangɔ nɛsu. Ɓáonóagatisa na kɔɓisa á měma anu na nyɔngɔ nɛɓɔ.

Ekuma á ɓateki 20:29

Nga, neoúba gea, mbusa á gǎ ani, ɓakpa ɓakae ɓea ɓamabianga ɓáengisande ka ɔlɔ anu, ɓákáekuiɛku ɓaɓêki ngomi.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 1:6

Ɓakpa ɓunɛngbo ɗáɓáɗú gǎkɛ aphe ndɔɔ, ɓáoɓúngaga ka ɓeá nyɔngɔ á jǎi-jǎi.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

2 Timɔtɛ́ɔ 4:4

Ɓákáɓeekeɛku ɔ́ka á ɓɔphɛi á ɗoni ka kecue aɓɔ, ɓáépháiande ndiu ka ɔ́ka egani á mbɛa.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

1 Yoáni 2:4

Mmbé ayɔngi gea: «Nemúbi», na nna gǎkɛ oamba ɛɔphi nɛkɛ, ande nto á mbɛa, ɗoni nna suɓi akɛ.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Mphaniɔ 2:14

Cɔ, ne gǎkɛ na oyeyɔ ábɔa k'óɓɛ: Mɔtɛ-akɔ, ona ɓakpa nde ɓáɓeeki ɓɔphɛi ndea Baláma. Baláma aámbé ɗángoɗi Baláka ábisɛ ephiphi ájeɗe ka Ɓaisilaɛ́li ka ɓɔnga aɓɔ gea, ɓáeɛ nyama nde ɓáphúi ka phɛ́a á ɓamokonga á mbɛa, na ɓágɛ k'aphe ótungɔ.

Mphaniɔ 2:6

Kema nde a gǎkɛ ánjá k'óɓɛ a ɓe: Okangei ekuma ndea Ɓanikɔlái, ɓíndɔ eme nekangei phɔtɔ ú.