Ɓalɔ́ma 9:6 - Ɔngana á Kɛ̌kɛ

⁶ Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

Ɓalɔ́ma 9:6 Iomraidhean Croise

Matáyɔ 24:35

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

Yoáni 10:35

Cɔ, nna na nkpa nde aɔtɔka n'aɓúni nyɔngɔ nde a suɓi á Ɓuku á Mokonga. Ande gea, Mokonga ɗáɛɓɔphani ɓamokonga á mbɛa ɓundɔ ɗáɓěngoɗi nyɔngɔ á Mokonga.

Ɓalɔ́ma 3:3

Eya, Ɓayúda ɓunɛngbo ɗáɓákáɓeeki nyɔngɔ á Mokonga! Ɓî a ɓó, ande gea te, ka nyɔngɔ índɔ aunge Mokonga aguande ka koɗoni nɛkɛ?

Ɓalɔ́ma 9:4

Ɓɔ, ɓánde Ɓaisilaɛ́li ɓunde Mokonga ɗáɛsɔmbu ɓáɓɛ ɓ'anakɛ, ɗáɛɓɔnisi ɓophombia nɛkɛ, ɗáɔngani na ɓɔ, ɗáeɓophi ɛɔphi na mɔkɔ na ɔnisa aɓɔ moangɔ á beba akɛ.

Ɓagalatía 6:16

Cɔ, ka ɓakpa ɓɔbu ɓunde ɓáoɓea ɛɔphi ndɔ, ɓujɛjɛ, na ɓonjánja ndea Mokonga áɓɛ gǔ anu, áɓɛ phɔtɔ gǔ á ɓakpa ndea Mokonga ɓɔbu.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

2 Timɔtɛ́ɔ 2:13

Kaɓɛ na ɓékéɔtɔtɔkisa nyɔngɔ nde ɓɛɔyɔnga, yɛ a tɔ ɔtɔtɔkisa nyɔngɔ nde aɔyɔnga nga, nnaɔtɔka n'angáni nyɔngɔ nɛkɛ sasakɛ.»