Ɓalɔ́ma 9:5 - Ɔngana á Kɛ̌kɛ

⁵ Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

Ɓalɔ́ma 9:5 Iomraidhean Croise

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 20:44

Daúdi aɔmɔphana gǎkɛ Mɔkɔta. Cɔ, Kiísito aɓande gǎkɛ mosuko á Daúdi ka ɓo?»

Yoáni 10:30

Abɛ n'eme, ɓe tɔ nkpa mo.»

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ekuma á ɓateki 3:13

Nna ɓó, atambi ka ɓukpɛkpɛ ndea Mokonga, mmbɔ ɓatatasu Abalaámu, Isáka na Yakɔ́ɓɔ ɗáɓámbɛɗaneigi. A phɔtɔ aámbé anɗokomisi mbɛɗanigi nɛkɛ Yéso ka ketangaɔ ndee. Ɗóɓombisi ka njaga á Moamɛ Pilátɔ, ɓóon'yá. Nanga ɓî ɗákondi ɗeketa akɛ,

Ɓalɔ́ma 1:25

Ɓɔ, ɓáoanganisa ɗoni ndea Mokonga ka mbɛa. Ɗáɓáobeba na bɛɗaneaga kema nde Mokonga aconji, k'ɔ́ma á bɛɗaneaga á Mokonga mmbé akeni n'obebɔ ka saga na saga, áɓɛ ɓó!

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 11:28

Ka nyɔngɔ á ya Mbino-Ánjá, Ɓaisilaɛ́li ɓáoɓá ɓaɓiɓia ndea Mokonga ka ɓonjánja nɛnu. Yɛ, â gǎkɛ tɔ kɔ̌sɔmbɔa na konda á ɓɔ ka nyɔngɔ á ɓatataɓɔ.

1 Ɓakɔlítɔ 14:16

Aoɓá n'ɔtɔ ɔmɛma Mokonga ka měma akɔ ka sega akɛ, ɓadakɔ íɓunde ɓákáoengekisa nnde ɔɔyɔnga, ɓákáɓeekeɛku «áɓɛ ɓó» ka ɛmɛmi nɛkɔ á ɓosegi nga, ɓákáoengekisa ɛyɔngi nɛkɔ.

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Timɔtɛ́ɔ 6:15

Sɛnɛka ndɔ, aɓande ka mbenɔ nde Mokonga yɛ sasakɛ ɗáangi. Yɛ aámbé ande Mokonga mmbé akeni n'obebɔ, mmbé sasakɛ ande Moamɛ á ɓaamɛ na Mɔkɔta á ɓakɔta.

2 Timɔtɛ́ɔ 2:8

Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

Ɓaɛbulanía 7:24

Yéso a ndiu oenda mɛyɔ. Ekuma nɛkɛ á ntoɓeigi-phɛ́a nna na sungiaga.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 5:14

Mpɔ, ɓamakɛlúbi gena ndɔ, ɓáogea: «Áɓɛ ɓó!» Ɓagbɛga ndɔ, ɓáogbúka muanku aɓɔ, ɓáobeba.