Ɓalɔ́ma 9:4 - Ɔngana á Kɛ̌kɛ

⁴ Ɓɔ, ɓánde Ɓaisilaɛ́li ɓunde Mokonga ɗáɛsɔmbu ɓáɓɛ ɓ'anakɛ, ɗáɛɓɔnisi ɓophombia nɛkɛ, ɗáɔngani na ɓɔ, ɗáeɓophi ɛɔphi na mɔkɔ na ɔnisa aɓɔ moangɔ á beba akɛ.

Ɓalɔ́ma 9:4 Iomraidhean Croise

Matáyɔ 21:33

Yéso â goto ǒngoɗea ɓakpa ndɔ te: «Ɔ́kani phɔ́ goto mɛní nɛngbo: Áǒgea: Nkpa moci ɗákoni ciko á mujabíbu, áogáa ú. Áotongea okanga ka kama á mbuka í na kɛndɛa iɓo í. Áɔphɛka ngbángbá ka mɓondigi ciko. Aǒbisa ɓabɛɗanigi, áɔmɛa tamba.

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

Ekuma á ɓateki 2:39

Nga, mɔkɔ ndea Mokonga a ka ɓenu, ɓaniki nɛnu na ɓɔbu ɓunde ɓá ɗanga na ɓɔbu ɓunde Mɔkɔta nɛsu Mokonga aɛɓɔphanande.»

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

Ɓalɔ́ma 9:6

Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

2 Ɓakɔlítɔ 11:22

Ɓáná phɔ́ Ɓayúda? Eya, n'eme phɔtɔ! Ɓaisilaɛ́li? Eya, n'eme phɔtɔ! Ɓasuko á Abalaámu? Eya, n'eme phɔtɔ!

Ɓagalatía 3:16

Cɔ, Mokonga ɗámɔku Abalaámu n'ɛɓɔkɔti nɛkɛ. Ɓuku á Mokonga ɗákáyɔngi: «K'ɛ́ɓɔkɔti nɛkɛ bui» ɓea ɓakpa ɓásii. Ɗáyɔngi ndiu: «K'ɛ́ɓɔkɔti nɛkɔ» ande gea te nkpa moci n'ande Kiísito.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓaɛbulanía 9:1

Cɔ, ɔngana á mosá ɗátú phɔtɔ na moangɔ ɗanga-ɗanga á beba á Mokonga na ɔma á kanga ɓojeɗe nnde a ka mokonda.

Ɓaɛbulanía 9:10

Nndɔ bui atɔndɔ ka nyɔngɔ á kema á koea, kema á onoa na moangɔ ɗanga-ɗanga á sokosea á ɓojeɗe á nkpa. Kantíti índɔ ɗásungíígi ka mbenɔ nde Mokonga ɗáɓɔngisigi moangɔ á kɛ̌kɛ.

Ɓaɛbulanía 9:3

Ɔma á ko iɓɛ ɗáɓáɔɔphana ɔma á kanga ɓojeɗe phɛɛ. Bɔngɔ agbae unge ɗákatisani ɔma ndɔ a iɓɛ.

Ɓaɛbulanía 9:5

Gǔ á sanduku, ɗátú na iii á Ɓakɛlúbi ka phangia gea Mokonga mɛna-ɓoombia a wa. Ɓakɛlúbi ɓundɔ iimbiɔ á kepupe aɓɔ ɗáogbukumia mɓɔmbiɔ á ɔma nde ɗáɓáoɗuka magia ka íma ɓojeɗe á ɓakpa. Cɔ, kɛ̌kɛnde ɓékétɔmiɛku nyɔngɔ kau bîbíbí.

Ɓaɛbulanía 9:6

Mbenɔ nde kema ndɔ bui ɗádondanigi ye, ɓatoɓeigi-phɛ́a ɓáongiaga esa bui k'ɔ́ma á k'ama mosá-mosá ka bɛɗanaga ekuma nɛɓɔ.