Ɓalɔ́ma 9:30 - Ɔngana á Kɛ̌kɛ

³⁰ Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

Ɓalɔ́ma 9:30 Iomraidhean Croise

Ɓalɔ́ma 10:10

Nga, nkpa aoɓeekea ka měma akɛ, Mokonga áombisa nto á koɗoni, anamisande mmbé aɔyɔnga k'aphenɔkɔ akɛ sisakɛ mosá á ɓakpa.

Ɓalɔ́ma 10:20

Isáya áogaojúa ka yɔnga akpɛ gea: «Ɓakpa nde ɗáɓákátúomokaɓa, ɓámɔɔni. Nɛ́ɔ̌sɛnɛkɛa ɓunde ɗáɓákáomoúsia ka kema.»

Ɓalɔ́ma 10:6

Koɗoni nde atóki ka ɓeekea agi gǎkɛ ɓe: «Koianɛgɛmbɛ suɓi á měma akɔ gea: ‹Ani mmbé atáíande na koba?› (Ande gea te, didisa á Kiísito)

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 4:11

Mbusa á wa, ɗáɓángusi ganja. Gúa akɛ ganja áoɓá mphangiɔ ka engekisa ɗoni nde Mokonga ɗántangi nto á koɗoni ka nyɔngɔ á ɓeekea nɛkɛ. Kaɓondɔ unge Abalaámu a ye aba ɓakpa ɓɔbu ɓunde ɓáɓeeki, nanga ɓákágú ganja, ka gea ɓétangɛ phɔtɔ ɓɔ, ɓato á koɗoni.

Ɓalɔ́ma 4:13

Cɔ, Mokonga ɗámɔku Abalaámu na ɓasuko akɛ gea aéɓophande mokonda. Mɔkɔ ndɔ nna gǎkɛ ka nyɔngɔ nde Abalaámu ɗáoamba ɛɔphi ndea Mósa. A ndiu ka nyɔngɔ nde Mokonga ɗántangi nto á koɗoni ka nyɔngɔ á ɓeekea nɛkɛ.

Ɓalɔ́ma 4:22

Ka nyɔngɔ índɔ unge, Mokonga ɗántangi nto á koɗoni.

Ɓalɔ́ma 4:9

Cɔ, maseye nde a tɔ ka ɓagu-ganja, nna phɔtɔ ka ɓawó ee? Ɓe ye yɔngi gea: «Mokonga ɗántangi Abalaámu nto á koɗoni ka nyɔngɔ á ɓeekea nɛkɛ.»

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 9:14

Cɔ, ɓégeɛ ɓo? Mokonga aɔtɔka n'amɓayi nkpa? Tanda phɔ́!

Ɓalɔ́ma 9:31

Ɓaisilaɛ́li ɓunde ɗáɓáokáɓa ɔnɛkana ɓato á koɗoni mosá á Mokonga ka amba ɛɔphi ɓâ ndiu ko úka.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 3:24

Ɛɔphi ɗáosóamba na ka ɓî Kiísito ɗábiki ka ɓá ɓato á koɗoni mosá á Mokonga ka nyɔngɔ á ɓeekea.

Ɓagalatía 3:8

Ɓuku á Mokonga ɗáangi mosá gea, Mokonga aebisande ɓunde ɓáná Ɓayúda ka ɓá ɓato á koɗoni ka nyɔngɔ á ɓeekea nɛɓɔ. Kaɓondɔ unge, Ɓuku á Mokonga ɗátɔ̌migi ka Abalaámu Mbino Ánjá ndee: «Mokonga abisande njaga k'ékuna bubui ka nyɔngɔ akɔ.»

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

1 Pɛ́tɛɛ 4:3

Eya, kala, ɗɔ́ɓɔtɔtɔkisi ka mbenɔ ásii mɔphɛ á ɓakpa nde ɓákáomúba Mokonga. Tambea anu ɗátú á ɓato á mambɔ, mɔphɛ ájeɗe, ɛbɛɗi á makana, osǎ, ɓoita á makana phɛɛ na ɗokomisa á ɓamokonga á mbɛa.