Ɓalɔ́ma 9:23 - Ɔngana á Kɛ̌kɛ

²³ Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

Ɓalɔ́ma 9:23 Iomraidhean Croise

Lóka 1:17

Ammɛande Mɔkɔta mosá, atambande na měma á ɓukpɛkpɛ ɓíndɔ Elía mɔtu-nyɔngɔ ndea Mokonga ɗátú ně. Abikande k'aphe á ɔnganisa á ɓaɓɔkɔti na ɓ'anaɓɔ, ɓaɗakekanigi-kecue ɓáúbaphande ɓea ɓato á koɗoni. Abisande měma ánjá suɓi á ɓakpa ka ɓondea á Mɔkɔta nɛɓɔ.»

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

Ɓalɔ́ma 8:30

Ɓakpa nde Mokonga ɗɛ́sɔmbu kala, ɗɛ́ɓɔphani phɔtɔ. Ɓunde ɗɛ́ɓɔphani, ɗétangi phɔtɔ ɓato á koɗoni. Ɓundɔ ɗétangi ɓato á koɗoni, ɗéɓophi phɔtɔ ɓoombia nɛkɛ.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 3:16

Nɛɔmɛma Mokonga gea te, ánogbagisɛgɛ ka měma, ɓî ana ɓoombia ángbó. Mpɔ, ɓóoɓá ɓakiísito ɓákpɛkpɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

2 Timɔtɛ́ɔ 2:21

Aoɓá nkpa n'ěsokosei ka tokisa á ɓojeɗe bui á ka měma akɛ, aɓande ɓea nkumba nde ɓáɔbɛɗanaga ně ka jaí, nnde mɛna-endu abisi ka mpɛphɛ, n'aɓɔngisi k'ékuma ánjá bui.