Ɓalɔ́ma 9:22 - Ɔngana á Kɛ̌kɛ

²² Cɔ, Mokonga ɗákondi ɔnisa esúia na ɓukpɛkpɛ nɛkɛ. Ɗá gǎkɛ na měma á phiphia phɛɛ ka ɓakpa nde ɗákeni áɛ́ɓɛ̌ɛ na tena á nyɔngɔ nɛɓɔ akpɛ.

Ɓalɔ́ma 9:22 Iomraidhean Croise

Ɓalɔ́ma 1:18

Cɔ, na koba, Mokonga aúbisi base gea, aɓɛí ka nyɔngɔ á ɓojeɗe bui nde ɓakpa ɓáogea, phɔtɔ ɓî ɓákáomɓánga. Ɓakpa ndɔ ɓáunge ɓáɗaki gea, ɗoni á Mokonga kaɓɛ base.

Ɓalɔ́ma 9:17

Mokonga áongoɗea Phaláɔ suɓi á Ɓuku gea: «Netókobisi tɔ moamɛ ka gea k'óɓɛ unge neúbisande ɓukpɛkpɛ ani na ka gea ina ani ɓáɛmbisɛ ka mokonda bui.»

Ɓalɔ́ma 9:20

Oɓɛ nkpa onde ani ka púa ka nyɔngɔ á kema nde Mokonga akondi? Ɔɔ́nimbɛ mɔnɔ mbeka-toko n'amúsi nkpa nde aɓɔngisigi ú te: «Ka nyɔngɔ sina nde omoɓɔngisigi ɓende?»

Ɓalɔ́ma 9:21

Mɓɔngisigi mbeka-toko aɔtɔka n'abɛɗanɛigi oɗo ɓíndɔ yɛ akondi. Na oɗo ndɔ tɔ, aɔtɔka n'aɓɔngisigi mbeka nde atétemani na nnde kátétemani.

1 Ɓatɛsalɔníka 2:16

Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

2 Timɔtɛ́ɔ 2:20

Eya, suɓi éndu ángbó, nna tɔndɔ na nkumba á láté na ngɔa, a gǎkɛ phɔtɔ na nnde á me na á toko. Nnde á láté na ngɔa, ɓáɔbɛɗaneaga ka jaí, nnde á me na á toko ɓá gǎkɛ ɔbɛɗaneaga ú esa bui.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.

1 Pɛ́tɛɛ 3:20

Ɓato á mekakɔ ndɔ ɓánde ɓundɔ ɗáɓákámɓeeki Mokonga, kala ɓî Mokonga ɗátú na měma éndǎ ka ɓɔ, ka matú ndɔ Nɔ́a ɗáɔsɛka koko ángbó. Ɓakpa ɓábɔa tɔ, ka ɓɔbu ngianjaga isaɔ (8), ɓáunge ɗáɓáami ka iɓo.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

2 Pɛ́tɛɛ 3:15

Úbani ánjá gea, phiphia ndea Mɔkɔta nɛsu, aunge ande ɓoamia nɛnu á ka měma. Nndɔ unge Pɔ́lɔ, dasu ékondi, ɗánóɗundui phɔtɔ na kɔɓɔɔngɛ nde Mokonga ɗámophi.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.