Ɓalɔ́ma 8:39 - Ɔngana á Kɛ̌kɛ

³⁹ kaɓɛ n'ande ɓukpɛkpɛ á k'ego, kaɓɛ n'ande ɓukpɛkpɛ á kusi, kaɓɛ n'ande kema bui nde Mokonga aconji, kátɔkɛku tanda n'asókatanisi n'ekondi ndea Mokonga, nnde ɗásɔɔnisi ka Kiísito Yéso Mɔkɔta nɛsu.

Ɓalɔ́ma 8:39 Iomraidhean Croise

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Yoáni 16:27

Nga, Abɛ sasakɛ anokondi, ka nyɔngɔ nde, ɓomokondi na ɓô phɔtɔ oɓeekea gea, netóki mɔtɛ á Mokonga.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 11:33

Ekende Mokonga ana ɛtɔi, úbapha na kɔɓɔɔngɛ ásii ɓende! Ani mmbé aɔtɔka n'aúbi kanisia akɛ ka tena á nyɔngɔ na úba á moangɔ nɛkɛ?

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:35

Ekende áɔtɔka katanisa asu n'ekondi ndea Kiísito? Tambaga, kema ájeɗe nde aoúja měma á nkpa, kisoni, nja, ɓuyɛnɛ á ngɔ́mbɛ, ɓiá, kukuwa?

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 2:11

Negi ɓondɔ ka gea, Sɛtáni kasódemɛgɛmbɛ, nga ɓeoúba kanisia akɛ.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaphilípi 3:12

Kéǒbeba gea te, ne ye jú ka sungiaga na ɓá kángá kisɛki. Ne ndiu otútuisa gǎ mbangɔ ka káɓa ɛkɔmi nga, Yéso Kiísito ɗágɔɓi ye n'amɔtɔki.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

1 Yoáni 4:16

Ɓesu, ɓeúbi na ɓeekea gea, Mokonga asókondi. Yɛ, ande ekondi. Nkpa nde ana ekondi ka enda akɛ, aiki suɓi á Mokonga na Mokonga áoika suɓi akɛ.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.

Mphaniɔ 20:3

Malaéka ndea Mokonga ndɔ, áommaka suɓi á mininga, áophembeketea ú na ɓɛta á mutúti gǔ akɛ ka gea te, njɔka ndɔ kaetombɛgɛmbɛ ye ɓato á ka mokonda na ka ɓî ɓasaga ɛlɛphu moci (1.000) akpeengeanaeka. Mbusa índɔ, ɓánkoɗande ka mbenɔ ábɔa.

Mphaniɔ 20:7

Mbenɔ nde ɓasaga ɛlɛphu moci (1.000) akpeengeanande, aunge ɓánjuanisande Sɛtáni suɓi á mekakɔ.