Ɓalɔ́ma 8:36 - Ɔngana á Kɛ̌kɛ

³⁶ Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

Ɓalɔ́ma 8:36 Iomraidhean Croise

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 8:32

Nkpa ndɔ ɗátú otanga k'ɔ́ma nde ɓáɗundu ɓe: «Ɗátú ɓea mɔgɔgɔ mmbé ɓáogaontena, áɔkɔɓa ɓea muna-mɔgɔgɔ mosá á nkpa nde aonkangaɗua. Kayɔngɛ gǎkɛ ka kema.

1 Ɓakɔlítɔ 15:30

Cɔ, ɓesu, ka nyɔngɔ sina nde ɓeǒmakea ka kukuwa mbenɔ bui?

1 Ɓakɔlítɔ 15:31

Ɓaya, esa bui neoóloka ka kukuwa. Nndɔ ande ɗoni, phɔtɔ ɓíndɔ neǒbeba ka nyɔngɔ anu ka júkana anu na Kiísito Yéso Mɔkɔta nɛsu.

1 Ɓakɔlítɔ 4:9

Nga, neokanisia te, Mokonga ɗásobisi ɓesu ɓateki ɓato á mbusa phɛɛ. Ɓáosotanga ɓea ɓakpa nde ɓáteni nyɔngɔ nɛɓɔ akpɛ ka kukuwa. K'índɔ unge ɓato á ka mokonda bui na ɓamalaéka ɓá ye tɔ osotangaaga.

2 Ɓakɔlítɔ 1:9

Ɗéɓetú ɓea ɓato á mekakɔ na ɓeoúba te, ɓásómande. Kema ndɔ ɗágeani ka gea, ɓékéseɓeɛ mɔnɔ ɓukpɛkpɛ asu sasasu. Ɓénseɓeɛ ndiu Mokonga mmbé aǒjujúkisa ɓasí.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 6:9

Ɓáɔsɔ́ɔna ɓea ɓakpa nde ɓákáoúbukana, na ɓe ndiu oúbukana ánjá. Ɓáɔsɔ́ɔna ɓea ɓasí na ɓe phɔ́tɔ koenda. Ɓáosótamɓisaga kángá á mowa asu.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.