Ɓalɔ́ma 8:35 - Ɔngana á Kɛ̌kɛ

³⁵ Ekende áɔtɔka katanisa asu n'ekondi ndea Kiísito? Tambaga, kema ájeɗe nde aoúja měma á nkpa, kisoni, nja, ɓuyɛnɛ á ngɔ́mbɛ, ɓiá, kukuwa?

Ɓalɔ́ma 8:35 Iomraidhean Croise

Yoáni 10:28

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Yoáni 13:1

Cɔ, bíbí á jaí á Pasáka, Yéso ɗáúbi gea, mbenɔ á toka akɛ ka mokonda nde na gǎ mɔtɛ Abakɛ ajú ye tɔ. Ɗékondi ɓakpa nɛkɛ, ɓunde ɓá ka mokonda. Ɗékondi ɓakpa nɛkɛ ɓunde ɗáɓátú ka mokonda, ásikia konda aɓɔ na ka sungiaga.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ɓalɔ́ma 2:9

Nkpa buakɛ mmbé aogea ɓojeɗe, atambagande na ea á minyɔ. Tambaga ndɔ akpangande phɔ́ ka Ɓayúda, mpɔ áoɓá ka ɓunde ɓáná Ɓayúda.

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

Ɓalɔ́ma 8:37

Ka kema ndɔ bubui, ɓe gǎkɛ okínda ka nyɔngɔ á nkpa nde asókondi.

Ɓalɔ́ma 8:39

kaɓɛ n'ande ɓukpɛkpɛ á k'ego, kaɓɛ n'ande ɓukpɛkpɛ á kusi, kaɓɛ n'ande kema bui nde Mokonga aconji, kátɔkɛku tanda n'asókatanisi n'ekondi ndea Mokonga, nnde ɗásɔɔnisi ka Kiísito Yéso Mɔkɔta nɛsu.

1 Ɓakɔlítɔ 4:11

Na ka kɛ̌kɛnde, ɓena nja n'ɛnyɔta, ɓena ɓuyɛnɛ á ngɔ́mbɛ, ɓáosótambisaga, ɓeoga na ɓeótambeaga kángá ɔma á ɓuiki.

1 Ɓakɔlítɔ 4:12

Ɓɛɔbɛɗanaga akpɛ phɛɛ na njaga asu sasasu. Mbenɔ nde ɓakpa ɓáosóbóma, ɓê gǎkɛ ǒbisia njaga. Mbenɔ nde ɓakpa ɓáosótambisaga, ɓê gǎkɛ odakana.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 4:8

Ɓakpa ɓáosókpatikisaga, ɓéké gǎkɛ oɗoa nseɓeɔ. Ɓáosóphusiaga na nyɔngɔ, ɓáná gǎkɛ ɔ̌sɔ́tɔka.

2 Ɓakɔlítɔ 4:9

Ɓáosótambisaga, Mokonga nna gǎkɛ osóɗeketa. Ɓáosótenea na oɗo, ɓéké gǎkɛ okuwa.

Ɓaɛphɛ́sɔ 3:19

Ɓoúbande ekondi nde anyɛ́nyi úbapha bui na ɓɔtɔande enda bui ndea Mokonga na aikande buakɛ suɓi anu.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.