Ɓalɔ́ma 8:34 - Ɔngana á Kɛ̌kɛ

³⁴ Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

Ɓalɔ́ma 8:34 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Yoáni 16:23

Esa ndɔ, ɓókómoúsiɛku ye ka kema. Nga, nenóngoɗi ɗoni gea, Abɛ anóphande kema bubui nde ɓɔɔmɛma k'ína ani.

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ɓalɔ́ma 14:13

Ɓéɗeketɛni teneanaga á nyɔngɔ ɓesu ka ɓesu. Ɓeekeanani ndiu ka gea, kɔmɓɛtɛkisɛmbɛ muna-amakɔ n'ephiphi ájeɗe kaɓɛ ngisisa akɛ ka ɓojeɗe.

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:27

Cɔ, Mokonga mmbé aɔɔna suɓi á měma asu, aámbé aoúba mɔphɛ á Měma á Mokonga. Měma ndɔ aámbé aɔmɛma Mokonga ka phɔa ɓaɓêki ɓíndɔ Mokonga aokonda.

Ɓakɔlɔsái 3:1

Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.