Ɓalɔ́ma 8:30 - Ɔngana á Kɛ̌kɛ

³⁰ Ɓakpa nde Mokonga ɗɛ́sɔmbu kala, ɗɛ́ɓɔphani phɔtɔ. Ɓunde ɗɛ́ɓɔphani, ɗétangi phɔtɔ ɓato á koɗoni. Ɓundɔ ɗétangi ɓato á koɗoni, ɗéɓophi phɔtɔ ɓoombia nɛkɛ.

Ɓalɔ́ma 8:30 Iomraidhean Croise

Yoáni 17:22

Cɔ, eme, něɓophi ɓoombia nde ɗómopi ka gea, ɓáɓɛ kimoci ɓíndɔ ɓe kimoci.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ɓalɔ́ma 1:6

Ɓo phɔtɔ sɔsɔɓɛ á ɓakpa ndɔ, ɓenu íɓunde Mokonga ɗánɔɔphani ka ɓá ɓakpa ndea Yéso Kiísito.

Ɓalɔ́ma 11:29

Nga, Mokonga nna tanda ɔtɔka na anganisi mɔphɛ akɛ k'égabɔ na ka mɔphani nɛkɛ ka ɓakpa.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:21

Ande gea, kema ndɔ bui nnde Mokonga aconji atókande kusi á kɔkɔɓɛ á otúkɔtúkɔ, angiande ka ɓoombia ndea ɓana-Mokonga.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓagalatía 1:15

Mokonga, mmbé ɗámɔsɔmbu gǎkɛ mosá á ɓɔkɔtɛana ani, aámbé ɗámɔɔphani ka nyɔngɔ á ɓonjánja-ékondi nɛkɛ.

Ɓagalatía 1:6

Cɔ, neyayami phɛɛ nga, ɓokamisigi ɗeketa á Mokonga n'ande yɛ aámbé ɗánɔɔphani ka nyɔngɔ á ɓonjánja-ékondi ndea Kiísito. Ɓôketia ka ɓeá mbino-ánjá nɛngbo.

Ɓagalatía 5:8

Nndɔ ɓátónongoɗi ka ɓɔngaga anu, kátótóki ka Mokonga mmbé anɔɔphani.

Ɓaɛphɛ́sɔ 1:11

Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 2:6

Ka nyɔngɔ á ɔngana asu na Kiísito, Mokonga ɗásójujúkisi ka kukuwa kimoci na yɛ. Ɓemameande nji na yɛ na koba.

Ɓaɛphɛ́sɔ 3:11

Mokonga agi nndɔ ka ɓeana na moangɔ á mɛyɔ nnde ɗátɔtɔkisi k'aphe ndea Mɔkɔta nɛsu Yéso Kiísito.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

2 Timɔtɛ́ɔ 2:11

Cɔ, nyɔngɔ nde akeni ɓeekea í: «Aoɓá na ɓeku kimoci na Kiísito, ɓeendande phɔtɔ kimoci na yɛ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»