Ɓalɔ́ma 8:29 - Ɔngana á Kɛ̌kɛ

²⁹ Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

Ɓalɔ́ma 8:29 Iomraidhean Croise

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Matáyɔ 28:10

Mpɔ Yéso áǒngoɗea: «Ɓɔ́kɔɓɛmbɛ na kɔɓɔɓɔkɔ. Gǎni ɓɔ́tɔmiɛ ɓana-ayi ɓágɛ na Galiláya, na kó unge ɓámɔɔnande.»

Matáyɔ 7:23

Eme něngoɗeaeka gǎkɛ base gea: ‹Ɗéké tanda onoúba. Tókani bíbí ani, ɓenu íɓunde ɓoogea ɓojeɗe.›

Yoáni 17:16

Ɓáná ɓato á ka mokonda, ɓíndɔ eme ké nto á ka mokonda.

Yoáni 17:19

Ka nyɔngɔ aɓɔ unge, něyamei buani k'óɓɛ, ka gea, ɓɔ phɔtɔ ɓáɓɛ ɓakpa nɛkɔ ɗoni.

Yoáni 17:26

Ɗéúbisi ina akɔ ka ɓɔ na netútuisande úbisa aɓɔ ka gea, ekondi nde oně ka phɔa ani, áɓɛ ka phɔa aɓɔ na eme sasani néɓɛ suɓi aɓɔ.»

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

1 Ɓakɔlítɔ 15:49

Ɓî ɓekengeani phɔ́ na nkpa nde ɗáɓánconji na oɗo, ɓekengeanande phɔtɔ na mmbɔ á na koba.

1 Ɓakɔlítɔ 2:7

Nɛɔphɛa kɔɓɔɔngɛ á ɓɔsɔmɛa ndea Mokonga, nnde ɗáɓásɔmi ka ɓakpa. Nga, ɗáangi moangɔ á kɔɓɔɔngɛ ndɔ mosá á conjá á mokonda ka gea, ɓéɓɛ na ɓoombia nɛkɛ.

1 Ɓakɔlítɔ 8:3

Aoɓá nkpa n'ankondi gǎkɛ Mokonga, Mokonga amúbande yɛ.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

Ɓaɛphɛ́sɔ 1:11

Ka ɔngana na Kiísito, ɗéɓetɔí keɓu nde Mokonga ɗásɔɔku nga, Mokonga ɗásɔsɔmbu mosá ka ɓeana na moangɔ nɛkɛ, goto áɔtɔtɔkisa kema bui ɓíndɔ ɗáangi na konda.

Ɓaɛphɛ́sɔ 4:24

Mpɔ, ɓóoɓá ɓea ɓakpa na ɓáɔ́li bɔngɔ á kɛ̌kɛ, ɓunde Mokonga ɗáeconji na ɓákengeani na Yɛ ka gea te, ɓáɓɛ ɓato á koɗoni na kángá ɓojeɗe ka ɓeana na ɗoni.

Ɓaphilípi 3:21

Yɛ, aketiande nyama asu á ɔlɔmana na á kukuwa, áobisa ú ɓea nɛkɛ á ɓoombia. Atɔtɔkisande nndɔ ka ɓeana na ɓukpɛkpɛ nde ɗátɔtɔkisi ka bisa kema bui kusi akɛ.

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 1:20

Mokonga ɗánsɔmbu mosá á conjá á mokonda, kɛ̌kɛnde amúbisi kanu base, ka mbenɔ á sungiaga á mokonda.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.