Ɓalɔ́ma 8:19 - Ɔngana á Kɛ̌kɛ

¹⁹ Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

Ɓalɔ́ma 8:19 Iomraidhean Croise

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Yoáni 1:12

Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ɓalɔ́ma 8:14

Nga ɓakpa ɓɔbu ɓunde Měma á Mokonga aǒtambisa, ɓánde ɓana-Mokonga.

Ɓalɔ́ma 8:16

Měma á Mokonga sasakɛ aámbé aɗigimisi měma asu gea, ɓesu ɓende ɓana-Mokonga.

Ɓalɔ́ma 8:18

Nɛɔni gea tambaga bui nde ɓeně kɛ̌kɛnde kákengeani na ɓoombia nde Mokonga asóphangiande base.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 9:26

Ɔma nde ɗáěngoɗi gea: ‹Ɓókó ɓakpa nɛmɔ›, wa tɔ unge ɓáɛɓɔphanande ɓana-Mokonga, Mɛna-enda.»

1 Ɓakɔlítɔ 1:7

Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

2 Ɓakɔlítɔ 6:18

Neɓande abanu, ɓoɓande baseka na ɓaganda nɛmɔ. Mmbé ayɔngi nndɔ, ande Mokonga Mɛna-Ɓukpɛkpɛ.»

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓakɔlɔsái 3:4

Cɔ, ɓî Kiísito ande enda anu á ɗoni, ka sɛnɛka akɛ, ɓɔsɛnɛkaeka na yɛ ka ɓoombia nɛkɛ.

Ɓaɛbulanía 12:27

Ɓî agi: «Neɗengisande goto», ande gea te, Mokonga aɗengisande kema nde ɗáconji, kema ndɔ káɓɛku ye. Kema nde nnaɔtɔka n'aɗengi aunge ajigande.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.