Ɓalɔ́ma 8:17 - Ɔngana á Kɛ̌kɛ

¹⁷ Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

Ɓalɔ́ma 8:17 Iomraidhean Croise

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Lóka 12:32

Miki á nsamba á ɓamɔgɔgɔ nɛmɔ, ɓókoɓɛmbɛ na kɔɓɔɓɔkɔ! Nga Abanu ana siki á opha anu koɓoamɛ nɛkɛ.

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 5:17

Ande ɗoni, kukuwa ɗátú na kɔkɔta ka nyɔngɔ á ɓojeɗe ndea nkpa moci, nkpa moci ndɔ tɔ. Cɔ, ka nyɔngɔ á Yéso Kiísito tɔ unge ɓe gǎkɛ ɔtɔa kema ásii á ɓonjánja-ékondi ndea Mokonga na egabɔ á koɗoni ndea Mokonga. Ɓakpa nde ɓána ɓonjánja-ékondi ndea Mokonga na egabɔ nɛkɛ, ɓáendande na ɓáɓande na kɔkɔta ka nyɔngɔ á Yéso Kiísito sasakɛ.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

1 Ɓakɔlítɔ 2:9

Cɔ, a gǎkɛ tɔ ɓíndɔ Ɓuku á Mokonga ayɔngi gea: «Kema nde nkpa káɔnimbɛ mɔnɔ na ɔ́ka í nnde ka nkpa kákanisimbɛ mɔnɔ ú aunge Mokonga ɗáɓɔngisigi ka ɓakpa nde ɓánkondi.»

2 Ɓakɔlítɔ 1:5

Nga, ɓî ɓeotambaga ásii ɓíndɔ Yéso ɗátambigi, asótúmisi na ɓukpɛkpɛ á phɔngisa á měma á ɓadasu.

2 Ɓakɔlítɔ 1:7

Kaɓondɔ, ɓena nseɓeɔ ásii ka ɓenu nga, a tɔ ɓíndɔ ɓeotambaga kimoci, a tɔ unge Mokonga aɔphɔngisa měma asu, ɓesu ɓɔbu.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.

Ɓagalatía 4:7

Kaɓondɔ, kó ye nkɔɓɛ, o ye tɔ gǎkɛ miki. Ɓî onde miki á k'éndu nde ɓa Mokonga, akophande ɓotukɔ nde ɗábisi ka ɓ'anakɛ.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

Títɔ 3:7

Mokonga agi ɓó ka ɓonjánja-ékondi nɛkɛ, ka gea, ɓéɓɛ ɓato á koɗoni mosá akɛ, ka tɔá enda á mɛyɔ nde ɓeseɓei.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.

Ɓaɛbulanía 6:17

Mokonga ɗáyami ɔphá gǔ á mɔkɔ ka úbisa ɓakpa nde ɓátɔande ɓotukɔ á mɔkɔ gea, Mokonga káketiɛeka tanda moangɔ nde abisi ka phɔa nkpa.

Yakɔ́ɓɔ 2:5

Cɔ, ɓadani ékondi, ɔ́kani phɔ́! Nna phɔ́ Mokonga aámbé ɗáɛsɔmbu ɓaúki á ka mokonda gea, ɓáɓɛ ɓatɔi suɓi á ɓeekea na ɓátɔɛ phɔtɔ koɓoamɛ nde ɗáɛɓɔku ɓunde ɓánkondi?

1 Pɛ́tɛɛ 1:4

na ɓondea á ɓotukɔ nde Mokonga anóbisíí na koba nnde nnaoújukana, nnaɔjɔɔkana, nnaoɓuɓia.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.