Ɓalɔ́ma 8:15 - Ɔngana á Kɛ̌kɛ

¹⁵ Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

Ɓalɔ́ma 8:15 Iomraidhean Croise

Matáyɔ 25:25

Netú na kɔɓɔɓɔkɔ, kaɓondɔ, néoga ɔsɔmɛa imɔna nɛkɔ suɓi á oɗo. Cɔ, nkumba nɛkɔ ungee!›

Málikɔ 14:36

Áɔmɛma ɓe: «Abɛ, nna na kema nde nnaɔtɔtɔkɛana mɔtɛ-akɔ. Tókisa phɔ́ kanu kiɓe á tambaga ndee. Nna gǎkɛ gea, eme aámbé nekondi, a ndiu ka gea, oɓɛ aámbé okondi.»

Lóka 11:2

Yéso áǒngoɗea: «Mbenɔ nde ɓɔɔmɛma, yɔngani ɓe: Abɛ, Ina akɔ áɓɛ n'obebɔ. Koɓoamɛ nɛkɔ ábikɛ.

Lóka 22:42

áɔyɔnga ɓe: «Abɛ, kaɓɛ n'okondi, ómophausa na cǎ ndee kaɓɛmbɛ ka mɔphɛ ani, ambe ndeakɔ ndiu unge átɔtɔkɛanɛ.» [

Lóka 8:28

Ɓî amɔni ye Yéso, áokoga «Hoo!» Áogua k'écinji akɛ, áɔyɔnga n'ɛsɔ akpɛ: «Eke nde ɓe n'oɓɛ kau, Yéso Muna-Mokonga mmbé ana kɔkɔta bui? Neoɗengemisigi, komotambisɛgɛmbɛ!»

Lóka 8:37

Wa, ɓakpa ɓɔbu á ka nji á Gɛási, ɓáongodea Yéso ágɛ nga, ɗáɓátú na kɔɓɔɓɔkɔ phɛɛ. Kaɓondɔ, Yéso áokambea ka koko, áoga.

Yoáni 16:8

Ɓî abikaeka, Aěengekisiande ɓato á ka mokonda ka nyɔngɔ á ɓojeɗe, koɗoni na tena á nyɔngɔ.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ekuma á ɓateki 16:29

Mɓondigi-mekakɔ ndɔ, áɔɔphanɛa ɔbɛa, áokamisaga gǎ, áongia, áogua k'écinji á Pɔ́lɔ na Síla, n'aɔɛkanaga.

Ekuma á ɓateki 2:37

Ɓî ɓakpa ɗáɓáɔ́ki nyɔngɔ ndɔ, áǒsumba ka měma. Ɓáomúsia Pɛ́tɛɛ na ɓateki ɓuangbo te: «Ɓaya, ɓegeande ɓo?»

Ɓalɔ́ma 8:16

Měma á Mokonga sasakɛ aámbé aɗigimisi měma asu gea, ɓesu ɓende ɓana-Mokonga.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 8:26

A phɔtɔ ɓó unge Měma á kanga ɓojeɗe aosoenga ka kángá ɓá asu na ɓukpɛkpɛ. Cɔ, ɓékéoúba mɛma á Mokonga ɓíndɔ akeni k'ɛ́mɛmi nɛsu. A gǎkɛ tɔ Měma á kanga ɓojeɗe aunge aɔmɛma ka phɔasu na ɗengemisaga nyɔngɔ nde ɓɛ́kɛ́ɔtɔka yɔnga í.

Ɓalɔ́ma 9:4

Ɓɔ, ɓánde Ɓaisilaɛ́li ɓunde Mokonga ɗáɛsɔmbu ɓáɓɛ ɓ'anakɛ, ɗáɛɓɔnisi ɓophombia nɛkɛ, ɗáɔngani na ɓɔ, ɗáeɓophi ɛɔphi na mɔkɔ na ɔnisa aɓɔ moangɔ á beba akɛ.

1 Ɓakɔlítɔ 2:12

Ɓesu, ɓékétɔi měma á ka mokonda ndee, ɓɛtɔi ndiu Měma nde atóki mɔtɛ á Mokonga ka gea, ɓéúbɛ kema bui nde ɗásóphi ka ɓonjánja-ékondi ndea Mokonga.

2 Ɓakɔlítɔ 11:4

Nndɔ atókani ka ɔna ɓî ɓomɓeeki nkpa buakɛ mmbé abiki mɔtɛ-anu na tɔ̌mia anu mbino á Yéso ɓaangbo, mmbé atingani na mmbé ɗéɓenɔtɔ̌mi mbino akɛ. Á bǎ í, ɓokamisigi ɓeekea á měma nɛngbo na mbino nɛngbo nde atingani na Měma á Mokonga na Mbino ánjá nde ɗɔ́ɓɔtɔi mɔtɛ-asu.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

2 Timɔtɛ́ɔ 1:7

Nga, Mokonga ɗákásophi měma á kɔɓɔɓɔkɔ. Ɗásóphi ndiu Měma á ɓukpɛkpɛ, ekondi na éamba.

Ɓaɛbulanía 2:15

 phɔtɔ ǒphúia ka kɔkɔɓɛ ɓakpa nde ɗáɓá na kɔɓɔɓɔkɔ á kukuwa ka enda aɓɔ bui.

Yakɔ́ɓɔ 2:19

Oɓeeki gea Mokonga a tɔ moci? Aánjá. Ɓaketi ɓá gǎkɛ tɔ oɓeekea nndɔ, na ɓáɔɛkanaga.»

1 Yoáni 4:18

Suɓi ékondi, kɔɓɔɓɔkɔ nna ɓei. Nga, ekondi á ɗoni á ɗoni aophaphea kɔɓɔɓɔkɔ nga, kɔɓɔɓɔkɔ a ka nkpa nde aoɓondea tambaga. Mmbé ana kɔɓɔɓɔkɔ, ekondi kátɔtɔkɛanimbɛ suɓi akɛ.