Ɓalɔ́ma 8:14 - Ɔngana á Kɛ̌kɛ

¹⁴ Nga ɓakpa ɓɔbu ɓunde Měma á Mokonga aǒtambisa, ɓánde ɓana-Mokonga.

Ɓalɔ́ma 8:14 Iomraidhean Croise

Matáyɔ 5:9

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Yoáni 1:12

Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Ɓalɔ́ma 8:19

Kema bui nde Mokonga aconji aoɓondea na mosenda phɛɛ mbenɔ nde Mokonga aphangisiaeka ɓoombia á ɓ'anakɛ base.

Ɓalɔ́ma 8:5

Nga, ɓakpa nde ɓáoɓea tambea á kokpa, ɓáɔtɔtɔkisa mɔphɛ á kokpa. Ɓakpa nde ɓá gǎkɛ oɓea tambea á Měma á Mokonga, ɓá tɔ ɔtɔtɔkisa mɔphɛ á Měma ndɔɔ.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

Ɓalɔ́ma 9:26

Ɔma nde ɗáěngoɗi gea: ‹Ɓókó ɓakpa nɛmɔ›, wa tɔ unge ɓáɛɓɔphanande ɓana-Mokonga, Mɛna-enda.»

Ɓalɔ́ma 9:8

Ande gea te, nna ɓaniki ɓɔbu ɓunde ɓáɓɔkɔtɛani ka etéte á kokpa ɓáunge ɓánde ɓaniki ndea Mokonga. Ɓaniki nde ɓáɓɔkɔtɛani ndiu ka ɓeana na mɔkɔ ndea Mokonga, ɓɔ tɔ ɓáunge ɓánde ɛɓɔkɔti á ɗoni á ɗoni.

2 Ɓakɔlítɔ 6:18

Neɓande abanu, ɓoɓande baseka na ɓaganda nɛmɔ. Mmbé ayɔngi nndɔ, ande Mokonga Mɛna-Ɓukpɛkpɛ.»

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓagalatía 4:5

ka gea te, ékoɗɛgɛ ɓakpa nde ɓá kusi ɛ́ɔphi, na bisa asu ɓana Mokonga.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓagalatía 5:16

Nenóngoɗi gea: Ɗeketani Měma á kanga ɓojeɗe áɓɛ nsɔndɔi ka enda anu na ɓókóɓongeɛgɛ ku ye mɔphɛ á ka nyama anu.

Ɓagalatía 5:18

Aoɓá Měma n'aɔnɔsɔndɔɛa, ɛɔphi nna ye kema ka ɓenu.

Ɓaɛphɛ́sɔ 1:5

Kaɓondɔ, ɗáangi mosá gea, ɓéɓɛ ɓ'anakɛ k'aphe ndea Yéso Kiísito. Nga, moangɔ ndɔ aunge ɗámɓɔngɛi phɛɛ, áoɓá mɔphɛ akɛ ka ekondi nɛkɛ.

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

1 Yoáni 3:24

Mmbé aoamba ɛɔphi nɛkɛ, ɓáɔngani na yɛ. Cɔ, ɓeoúba gea, ɓɛɔngani na yɛ ka nyɔngɔ nde, asóphi egabɔ á Měma á kanga ɓojeɗe.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.