Ɓalɔ́ma 8:10 - Ɔngana á Kɛ̌kɛ

¹⁰ A gǎkɛ oɓá Kiísito n'aiki suɓi anu, nanga nyama anu á kuwa ye ka nyɔngɔ á ɓojeɗe, Měma á kanga ɓojeɗe nnde á suɓi anu aunge aonoendisa nga, Mokonga a ye onotanga ɓato á koɗoni mosá akɛ.

Ɓalɔ́ma 8:10 Iomraidhean Croise

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

Yoáni 15:5

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yoáni 6:54

Mmbé aoea kesuku ani na noa á magia ani, ana enda á mɛyɔ, na nenjujukisande ka kukuwa esa á sungiaga á mokonda.

Yoáni 6:56

Mmbé aoea kesuku ani na noa á magia ani, eme neiki suɓi akɛ na yɛ aiki suɓi ani.

Ɓalɔ́ma 5:12

Cɔ, ka nyɔngɔ á nkpa moci tɔ, Adámu aunge ɓojeɗe ɗángí ka mokonda, ɓojeɗe ndɔ áobikisa kukuwa. Kaɓondɔ unge, kukuwa andandi ka ɓakpa ɓɔbu nga, ɓɔbu ɗáɓági ɓojeɗe.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

2 Ɓakɔlítɔ 4:11

Nanga ɓî ɓe phɔ́tɔ oenda, ɓe bíbí á kukuwa ka nyɔngɔ á Yéso, ka gea enda akɛ áɔnɛkanɛ ka nyama á kukuwa nde ɓeně.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaɛphɛ́sɔ 3:17

Ɓî ɓomɓeeki Kiísito, yɛ áikɛ ka měma anu. Édokoɗeani ɓóósimbiɛ akpɛ suɓi ékondani

Ɓaphilípi 1:23

Ande gea te, mɔphɛ iɓɛ ɗanga-ɗanga aomoɓotea: Nenasiki á gǎ ika kimoci na Kiísito, nndɔ ungɔ nekondi phɛɛ.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

1 Ɓatɛsalɔníka 4:16

Nga, ɓɛɔ́kande ɛsɔ ángbó, á mɔphani, ɛsɔ á malaéka, n'ɛsɔ á mbengu ndea Mokonga. Mpɔ, Mɔkɔta sasakɛ atókande na koba, áodida. Mbusa, ɓakpa nde ɗáɓásí na ɗáɓámɓeeki Kiísito, ɓájujukande ka kukuwa mosá-mosá.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Ɓaɛbulanía 9:27

Ɓî nkpa buakɛ a tɔ okuwa mongɔ ímoci, mbusa á kukuwa Mokonga áotena nyɔngɔ nɛkɛ,

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»