Ɓalɔ́ma 8:1 - Ɔngana á Kɛ̌kɛ

¹ Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:1 Iomraidhean Croise

Yoáni 14:20

K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu.

Yoáni 15:4

Ikani suɓi ani, n'eme, neikɛ phɔtɔ suɓi anu. Ntabi nnaɔgɔmba sasakɛ na kájúkani na me á mujabíbu. Ɓo phɔtɔ ɓó. Nga, ɓókó phɔtɔ ɔtɔka na ɓɔgɔmbi ka měma, aoɓá na ɓókóiki suɓi ani.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ɓalɔ́ma 16:3

Nensambei Pisíla na Akíla, ɓadani ɓabɛɗanigi ndea Yéso.

Ɓalɔ́ma 16:7

Něsambei ɓatia-abɛ na ɓadani Andɔɔníkɔ na Yunía ɓunde ɗétú na ɓɔ suɓi á mekakɔ. Ɓɔ, ɓána ɓoombia phɛɛ sɔsɔɓɛ á ɓateki, ɓɔ, ɗáɓámɓeeki Kiísito mosá ani.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:16

Goto, egabɔ ndea Mokonga atingani na kema nde ɗátɔtɔkɛani ka nyɔngɔ á ɓojeɗe ndea Adámu. Ka nyɔngɔ á ɓojeɗe ndea nkpa ndɔ tɔ moci, aunge Mokonga ɗáteni nyɔngɔ ndea ɓakpa akpɛ. Cɔ, ka nyɔngɔ á egabɔ á ɓonjánja-ékondi ndea Mokonga mbusa á ɓojeɗe ásii ndea ɓakpa, aunge yɛ aǒtanga ɓakpa ɓato á ɓonjánja mosá akɛ.

Ɓalɔ́ma 7:17

Kaɓondɔ, nna ye gǎkɛ eme aámbé nɛɔtɔtɔkisa kema ndɔ, a ndiu ɓojeɗe nde aiki suɓi ani.

Ɓalɔ́ma 7:20

Kaɓɛ na nɛtɔtɔkisi kema nde kéokonda ú, ande gea nna ye eme aámbé neogea ɓó, a ndiu ɓojeɗe nde aiki suɓi ani.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:14

Nga ɓakpa ɓɔbu ɓunde Měma á Mokonga aǒtambisa, ɓánde ɓana-Mokonga.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

Ɓalɔ́ma 8:39

kaɓɛ n'ande ɓukpɛkpɛ á k'ego, kaɓɛ n'ande ɓukpɛkpɛ á kusi, kaɓɛ n'ande kema bui nde Mokonga aconji, kátɔkɛku tanda n'asókatanisi n'ekondi ndea Mokonga, nnde ɗásɔɔnisi ka Kiísito Yéso Mɔkɔta nɛsu.

Ɓalɔ́ma 8:4

Mokonga ɗátɔtɔkisi nndɔ ka gea te, tambea asu áɓɛ ɓíndɔ ɛɔphi asosi nga ɓéké ye oɓea tambea asu á kokpa, ɓe ndiu oɓea tambea nde Měma á Mokonga akondi.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 15:22

A tɔ ɓíndɔ ɓakpa ɓɔbu ɓáokuwa ka nyɔngɔ nde, ɓájúkani na Adámu, a phɔtɔ ɓó unge ɓakpa ɓɔbu ɓunde ɓájúkani na Kiísito ɓáɓande na enda á kɛ̌kɛ.

2 Ɓakɔlítɔ 12:2

Mokonga ɗántáisi mǒko moci mmbé ɗáɔngani na Kiísito n'ego phɛɛ, a ye ɓasaga nkama na gena (14). Mokonga ɗántáisi na koba na nyama akɛ? Kaɓɛ kángá nyama akɛ? Kéoúba, Mokonga sasakɛ aámbé aoúba.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓagalatía 5:16

Nenóngoɗi gea: Ɗeketani Měma á kanga ɓojeɗe áɓɛ nsɔndɔi ka enda anu na ɓókóɓongeɛgɛ ku ye mɔphɛ á ka nyama anu.

Ɓagalatía 5:25

Ɓî Měma unge aosóendisa, akeni ndiu tambea asu áɓɛ ɓíndɔ Měma akondi.

Ɓaɛphɛ́sɔ 1:1

Ka ɓaɓêki á ka Ɛphɛ́sɔ sambani! Eme Pɔ́lɔ nende nteki nde ɓa Kiísito Yéso ka mɔphɛ á Mokonga. Nenóɗundui ɓenu ɓato á Mokonga ka Ɛphɛ́sɔ ɓunde ɓoɓeeki suɓi á ɔngana na Yéso Kiísito.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.