Ɓalɔ́ma 7:8 - Ɔngana á Kɛ̌kɛ

⁸ Ka nyɔngɔ ɛ́ɔphi unge ɓojeɗe angí na jujúkisa á etéte á mɔphɛ ájeɗe-jeɗe bui suɓi ani. Nga atúoɓá ɛɔphi na káɓeí, ámbé ɓojeɗe aku.

Ɓalɔ́ma 7:8 Iomraidhean Croise

Málikɔ 7:22

gúa n'etoa, kuma, kokae, maibe, iɛɓɛ, nsengo, ɛphɔti, ébeba, kobóbó.

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

Yoáni 15:24

Atúoɓá na kɛ́tɔtɔtɔkisi ketangaɔ sɔsɔɓɛ aɓɔ, nnde nkpa kátɔtɔkisimbɛ mɔnɔ, ámbé ɓákátóɓɛku na ɓojeɗe. Kɛ̌kɛnde, ɓáɔni ye ketangaɔ ndɔ, ɓáotútuisa kangea asu, eme na Abɛ.

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 4:15

Nga, ɛɔphi aobikisa ésúia ndea Mokonga. Atú gǎkɛ oɓá ɛɔphi na nna ɓei, ámbé nyɔngɔ á tingiaga í nna ɓei.

Ɓalɔ́ma 5:20

Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 7:11

Nga, ka nyɔngɔ ɛ́ɔphi aunge ɓojeɗe atɔí aphe á demaga ani. Ka nyɔngɔ ɛ́ɔphi phɔtɔ aunge ɓojeɗe atɔí aphe á mowa ani.

Ɓalɔ́ma 7:13

Cɔ, ande gea, te kema nde aánjá aunge amobikisíí kukuwa? Tanda phɔ́! Ɓojeɗe unge ande cina á kukuwa. Ka gea te, ɓojeɗe áúbikanɛ ɗoni, ɗáúbikani suɓi á kema nde aánjá, ka gea ɓojeɗe ámokiɗianisɛ ka kukuwa. Ka nyɔngɔ ɛ́ɔphi ndɔ unge ɓojeɗe aúbikani base.

Ɓalɔ́ma 7:17

Kaɓondɔ, nna ye gǎkɛ eme aámbé nɛɔtɔtɔkisa kema ndɔ, a ndiu ɓojeɗe nde aiki suɓi ani.

Ɓalɔ́ma 7:9

Eme, ɗéoenda kala kángá á úba nyɔngɔ á ɛɔphi. Cɔ, mbenɔ nde moangɔ ɛ́ɔphi akpangi ye, ɓojeɗe áokpanga bɛɗanaga mpɔ,

1 Ɓakɔlítɔ 15:56

Nga, ɓukpɛkpɛ á mowa aotóka ka ɓojeɗe, na ɓojeɗe ana ɓukpɛkpɛ ka ɓeana n'ɛ́ɔphi ndea Mósa.