Ɓalɔ́ma 7:7 - Ɔngana á Kɛ̌kɛ

⁷ Cɔ, ɓɛ́yɔngɛ ɓo? Ɛɔphi ande ɓojeɗe? Aoɓóɓóa! Ɗéúbi tɔ ɓojeɗe ka nyɔngɔ ɛ́ɔphi nga, atuoɓá na ɓákáɗundu k'ɛ́ɔphi gea: «Kóɓɛmbɛ na mɔphɛ ájeɗe» ámbé keúbi gea mɔphɛ ájeɗea ɓei.

Ɓalɔ́ma 7:7 Iomraidhean Croise

Matáyɔ 5:28

Eme nenóngoɗi te: Nkpa buakɛ mmbé aɔmɔnjia nke n'íso ótungɔ, agɔɓi ye n'anɛɓɛi nke ndɔ ka měma.

Lóka 12:15

Mpɔ, áǒngoɗea ɓɔbu ɓe: «Ɛ́ngɛphani na nyɔngɔ á ekondi á ɛtɔi nga, enda á nkpa nna ka nyɔngɔ á nkumba nɛkɛ nanga áɓá ntɔi phɛɛ.»

Lóka 20:16

Abikande, áǒmowa ɓagubi ndɔ. Mbusa í, aeɓophande ɓakpa ɓunɛngbo ciko ndɔ.» Ɓakpa ɓáɔ́ki ye ɓó, ɓáɔyɔnga gea: «Kaɓɛmbɛ tanda ɓó.»

Ekuma á ɓateki 20:33

Eme gǎkɛ, ɗékénɔmɛmigi tanda imɔna, láté, kaɓɛ bɔngɔ ndea nkpa.

Ɓalɔ́ma 13:9

Cɔ, ɛɔphi kau aungee: «Kótunganɛmbɛ, kómmowɛmbɛ nkpa, kóúɓɛmbɛ, kókondɛmbɛ kema nde nna akɔ.» Nyɔngɔ nde angbîmisi nndɔ, n'ɛɔphi nɛngbo bui ande: Nkonda dakɔ ɓíndɔ ǒkondi sasakɔ.

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 4:1

Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?

Ɓalɔ́ma 4:15

Nga, ɛɔphi aobikisa ésúia ndea Mokonga. Atú gǎkɛ oɓá ɛɔphi na nna ɓei, ámbé nyɔngɔ á tingiaga í nna ɓei.

Ɓalɔ́ma 5:20

Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 6:15

Cɔ, aɓo? Ɓégeɛ ɓojeɗe ka nyɔngɔ nde ɓéké kusi á ɛɔphi, ɓe ndiu kusi á ɓonjánja-ékondi ndea Mokonga? Tanda phɔ́.

Ɓalɔ́ma 7:11

Nga, ka nyɔngɔ ɛ́ɔphi aunge ɓojeɗe atɔí aphe á demaga ani. Ka nyɔngɔ ɛ́ɔphi phɔtɔ aunge ɓojeɗe atɔí aphe á mowa ani.

Ɓalɔ́ma 7:13

Cɔ, ande gea, te kema nde aánjá aunge amobikisíí kukuwa? Tanda phɔ́! Ɓojeɗe unge ande cina á kukuwa. Ka gea te, ɓojeɗe áúbikanɛ ɗoni, ɗáúbikani suɓi á kema nde aánjá, ka gea ɓojeɗe ámokiɗianisɛ ka kukuwa. Ka nyɔngɔ ɛ́ɔphi ndɔ unge ɓojeɗe aúbikani base.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

Ɓalɔ́ma 7:8

Ka nyɔngɔ ɛ́ɔphi unge ɓojeɗe angí na jujúkisa á etéte á mɔphɛ ájeɗe-jeɗe bui suɓi ani. Nga atúoɓá ɛɔphi na káɓeí, ámbé ɓojeɗe aku.

1 Ɓakɔlítɔ 15:56

Nga, ɓukpɛkpɛ á mowa aotóka ka ɓojeɗe, na ɓojeɗe ana ɓukpɛkpɛ ka ɓeana n'ɛ́ɔphi ndea Mósa.

Ɓaɛphɛ́sɔ 5:3

Ɓî ɓonde ɓato á k'ékombo ndea Mokonga, nyɔngɔ ájeɗe, ɓea iɛɓɛ, ɓɔjɔɔkiɔ, na mɔphɛ á kema, nna ánjá áɔ́kɛkanɛ ka ɔlɔ anu.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.