Ɓalɔ́ma 7:6 - Ɔngana á Kɛ̌kɛ

⁶ Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 7:6 Iomraidhean Croise

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

Ɓalɔ́ma 6:4

Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

Ɓalɔ́ma 7:1

Cɔ, ɓaya, ɓoodigimisa nyɔngɔ ɛ́ɔphi nde nɛɔyɔnga na ɓenu íɓunde ɓooúba ɛɔphi ánjá gea te, nkpa a tɔ oɓá kusi á kɔkɔta ɛ́ɔphi mbenɔ nde a phɔ́tɔ koenda.

Ɓalɔ́ma 7:2

Ɔ́nani phɔ́, nke-éyamani a tɔ kusi á kɔkɔta ɛ́ɔphi ka munyakɛ mbenɔ nde munyakɛ a phɔ́tɔ koenda. Munyakɛ a ye gǎkɛ okuwa, nke ndɔ nna ye kusi á kɔkɔta ɛ́ɔphi ka nyɔngɔ á mǒko ndɔ aku.

Ɓalɔ́ma 7:4

Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓaɛphɛ́sɔ 4:24

Mpɔ, ɓóoɓá ɓea ɓakpa na ɓáɔ́li bɔngɔ á kɛ̌kɛ, ɓunde Mokonga ɗáeconji na ɓákengeani na Yɛ ka gea te, ɓáɓɛ ɓato á koɗoni na kángá ɓojeɗe ka ɓeana na ɗoni.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.