Ɓalɔ́ma 7:4 - Ɔngana á Kɛ̌kɛ

⁴ Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

Ɓalɔ́ma 7:4 Iomraidhean Croise

Matáyɔ 26:26

Ɓî ɗáɓátú oeaga, Yéso áɔbɛɗa mokati, mbusa á yɛ sega Mokonga, áoɓúnaga mokati ndɔɔ, áǒgabea ɓagoigi nɛkɛ. Aǒngoɗea te: «Bɛɗani ú ɓóeɛ, nnde ande nyama ani.»

Málikɔ 4:20

Mbó nɛngbo ɗágu ka oɗo ánjá. Oɗo ndɔ, a ɓea ɓakpa ɓunde ɓáɔɔ́ka Nyɔngɔ á Mokonga, ɓáoɓeekea, áɔgɔmba suɓi aɓɔ. Moci áɔgɔmba mbuka nkama isaɔ (30), nɛngbo nkama ngianjaga (60), nɛngbo mia moci (100).»

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Yoáni 3:29

Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ.

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

Ɓalɔ́ma 7:3

Kaɓɛ nke ndɔ n'aɔmani gǎkɛ na mǒko ɓaangbo na munyakɛ na kákumbɛ, nke ndɔ agú n'itoa. Munyakɛ a ye gǎkɛ okuwa, nke ndɔ nna ye kusi á kɔkɔta ɛ́ɔphi ka gea te, aɔɔmana na mǒko ɓaangbo, ɓákángeɛku agú n'itoa.

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 10:16

Cɔ, ɓî ɓeonoa kiɓe nde ɓeonsega Mokonga kau, nna ɔngana asu ka magia á Kiísito ungɔ ee? Ɓî ɓeoea mokati, nndɔ nna ɔngana asu ka nyama á Kiísito ee?

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓagalatía 5:18

Aoɓá Měma n'aɔnɔsɔndɔɛa, ɛɔphi nna ye kema ka ɓenu.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 1:22

Kɛ̌kɛnde gǎkɛ, Mokonga anɔɔnganisi na yɛ ka nyɔngɔ á kukuwa á Anakɛ ka nyama akɛ á kokpa ka gea, ánokiɗianisɛ mosá akɛ, ɓato á kanga ɓojeɗe, kángá kisɛki n'oyeyɔ.

Ɓakɔlɔsái 1:6

Mbino-Ánjá ndɔ, aɛmbi mokonda bui, áɔgɔmbisa mbuka. A tɔ ɓíndɔ Mbino-Ánjá ndɔ, ɗági sɔsɔɓɛ anu kpanga á esa ndɔ ɗɔ́ɓɔɔ́ki k'ama mosá-mosá mbino á ɓonjánja-ékondi ndea Mokonga na úba gea ande á ɗoni.

Ɓakɔlɔsái 2:14

Ɗéɓetú ɓea ɓunde ɗáɓátú na nyɔngɔ á phenda í, ka nyɔngɔ nde ɗéɓékétú oamba ɛɔphi. Mokonga â gǎkɛ omowa ɛɔphi ndɔ ɗáosógusa, áɔkɔkɛaga ú ka moyangɔ.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

Mphaniɔ 19:7

Ɓéguɛni jaí na maseye. Ɓénɗokomiseni nga, mbenɔ éyamani á Muna-mɔgɔgɔ akpeengeani. Nke éyamani nɛkɛ ɛ̌ɓɔngisigi.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»