Ɓalɔ́ma 7:25 - Ɔngana á Kɛ̌kɛ

²⁵ Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 7:25 Iomraidhean Croise

Matáyɔ 1:21

Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 15:57

Cɔ, ɓosegi ka Mokonga nga, asóphi ɓukpɛkpɛ á tɔka á kukuwa k'ína á Mɔkɔta nɛsu Yéso Kiísito.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 4:6

Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.