Ɓalɔ́ma 7:24 - Ɔngana á Kɛ̌kɛ

²⁴ Ngomi ani eme nto á ɓuyɛnɛ ee! Ani mmbé amoamisande na nyama á kukuwa ndee?

Ɓalɔ́ma 7:24 Iomraidhean Croise

Matáyɔ 5:4

Maseye ka ɓunde ɓáogáma, ka nyɔngɔ nde Mokonga aɛkɔmbɛande iɓo á ngamɔ!

Matáyɔ 5:6

Maseye ka ɓunde ɓá na nja n'ɛnyɔta á koɗoni, ka nyɔngɔ nde ɓákutande.

Lóka 4:18

«Měma á Mɔkɔta amɔgɔni, amɔsɔmbu ka tɔ̌miaga á ɓato á ɓuyɛnɛ Mbino-Ánjá. Â phɔtɔ omoteka ka úbisa á ɓato á mekakɔ esa á juana aɓɔ na koɗa iso á ɓakeíme-íme, na phúia á ɓakusi ka kɔkɔɓɛ,

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 8:26

A phɔtɔ ɓó unge Měma á kanga ɓojeɗe aosoenga ka kángá ɓá asu na ɓukpɛkpɛ. Cɔ, ɓékéoúba mɛma á Mokonga ɓíndɔ akeni k'ɛ́mɛmi nɛsu. A gǎkɛ tɔ Měma á kanga ɓojeɗe aunge aɔmɛma ka phɔasu na ɗengemisaga nyɔngɔ nde ɓɛ́kɛ́ɔtɔka yɔnga í.

Ɓakɔlɔsái 2:11

Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 2:15

 phɔtɔ ǒphúia ka kɔkɔɓɛ ɓakpa nde ɗáɓá na kɔɓɔɓɔkɔ á kukuwa ka enda aɓɔ bui.

Mphaniɔ 21:4

Akɔmbɛande iɓo á ngamɔ bui á k'íso aɓɔ. Kukuwa, oiɔ, ngamɔ, ɛyɔka káɓɛku ye nga, mokonda á kala ɗándǐ.»