Ɓalɔ́ma 7:23 - Ɔngana á Kɛ̌kɛ

²³ Suɓi á nyama ani nɛɔni gǎkɛ ɛɔphi nɛngbo nnde aomanisa kanisia ani. Nndɔ unge amobisi ka kɔkɔɓɛ ɛ́ɔphi á ɓojeɗe nde aɔbɛɗanaga suɓi ani.

Ɓalɔ́ma 7:23 Iomraidhean Croise

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 7:14

Eya, ɓeoúba gea ɛɔphi atóki ka Mokonga, eme ne ndiu na nyama á kokpa, mmbé ɗáɓánsombisi ɓea nkɔɓɛ á ɓojeɗe.

Ɓalɔ́ma 7:21

Cɔ, nɛɔni gea, kema nde aɔnyɛ́nyɛ́kana ka phɔa ani a ɓe: Mbenɔ nde neokonda tɔtɔkisa á kema ánjá, nɛ tɔ ɔtɔtɔkisa kema ájeɗe.

Ɓalɔ́ma 7:25

Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

Ɓagalatía 5:17

Nga, nyama á nkpa ana mɔphɛ nde atingani na nnde á Měma. Měma gǎkɛ ana mɔphɛ ínɛkɛ nde atingani na nnde á nyama. Ɓɔ, ɓákáingimiani, ka gea kɔ́ɔtɔka gea kema nde otókondi gea í.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

Yakɔ́ɓɔ 3:2

Nga, ɓesu ɓɔbu ɓeogea nyɔngɔ ájeɗe-jeɗe. A gǎkɛ oɓá nkpa na nnaɔyɔngaga nyɔngɔ ájeɗe-jeɗe ande nkpa nde akeni, mmbé aɔtɔka amba nyama akɛ bui.

Yakɔ́ɓɔ 4:1

Cɔ, ngíní na sani sɔsɔɓɛ anu atóki súwani? Nna phɔ́ otóka ka mɔphɛ ájeɗe nde aomana suɓi anu?

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.