Ɓalɔ́ma 7:18 - Ɔngana á Kɛ̌kɛ

¹⁸ Nga, neoúba nna na kema ánjá nde aiki suɓi ani, ande gea, k'etéte ani á kokpa. A tɔ ɓó nga, nena mɔphɛ á tɔtɔkisa á kema ánjá nde a suɓi ani, ké gǎkɛ ɔtɔka tɔtɔkisa í.

Ɓalɔ́ma 7:18 Iomraidhean Croise

Matáyɔ 15:19

Nga, suɓi á měma á nkpa, aunge aotóka: kanisia ájeɗe, mowanaga á ɓakpa, gúa n'etoa, mambɔ, kuɓa, gamá á nkpa ka nyɔngɔ á mbɛa, mbóma.

Lóka 11:13

Ɓenu gǎkɛ, nanga ɓî ɓonde ɓato ájeɗe, ɓo tɔ oúba gabea á ɓ'ananu kema ánjánja. Cɔ, Abanu mmbé á na koba, anɔ́nyɛ́nyi ɗoni k'égabɔ. Aeɓophande phɔtɔ Měma nɛkɛ á kanga ɓojeɗe ɓunde ɓáɔmmɛma.»

Yoáni 3:6

Ɓaɓɔkɔti asu á kokpa, ɓáɔɓɔkɔta nyama asu, Měma á Mokonga, aɔɓɔkɔta měma suɓi asu.

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 7:15

Ande ɗoni, kema nde nɛɔtɔtɔkisa kéoúba ú. Kema nde nekondi, kéɔtɔka tɔtɔkisa í. Kema nde ne gǎkɛ okangea aunge neogea ú.

Ɓalɔ́ma 7:19

Cɔ, kéɔtɔtɔkisa kema ánjá nde nekondi ú, ne ndiu ɔtɔtɔkisa kema ájeɗe nde kéokonda.

Ɓalɔ́ma 7:25

Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

Ɓagalatía 5:17

Nga, nyama á nkpa ana mɔphɛ nde atingani na nnde á Měma. Měma gǎkɛ ana mɔphɛ ínɛkɛ nde atingani na nnde á nyama. Ɓɔ, ɓákáingimiani, ka gea kɔ́ɔtɔka gea kema nde otókondi gea í.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 3:12

Kéǒbeba gea te, ne ye jú ka sungiaga na ɓá kángá kisɛki. Ne ndiu otútuisa gǎ mbangɔ ka káɓa ɛkɔmi nga, Yéso Kiísito ɗágɔɓi ye n'amɔtɔki.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.