Ɓalɔ́ma 7:14 - Ɔngana á Kɛ̌kɛ

¹⁴ Eya, ɓeoúba gea ɛɔphi atóki ka Mokonga, eme ne ndiu na nyama á kokpa, mmbé ɗáɓánsombisi ɓea nkɔɓɛ á ɓojeɗe.

Ɓalɔ́ma 7:14 Iomraidhean Croise

Matáyɔ 16:23

Yéso áǒpháia ka Pɛ́tɛɛ, áongea: «Já nɛkɔ mbusa ani, Sɛtáni nde ca! Onde ephiphi ájeɗe k'éme nga, kanisia akɔ nna ɓea Mokonga, a ndiu tɔ á kokpa.»

Matáyɔ 18:25

Mbɛɗanigi ndɔ ɗákátú gǎkɛ na ka kema ka phenda á imɔna ndɔɔ. Kaɓondɔ, moamɛ áososea gea, ɓánsombisɛ yɛ ɓea nkɔɓɛ, ɓánsombisɛ phɔtɔ nkakɛ, ɓ'anakɛ na nkumba nɛkɛ bui nde ɗátú ně, ka phenda á nyɔngɔ nɛkɛ.

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Matáyɔ 5:28

Eme nenóngoɗi te: Nkpa buakɛ mmbé aɔmɔnjia nke n'íso ótungɔ, agɔɓi ye n'anɛɓɛi nke ndɔ ka měma.

Lóka 5:8

Simɔ́ni Pɛ́tɛɛ aɔni ye ɓó, áogbúka muanku akɛ mosá á Yéso, áongea: «Mɔkɔta, tóka ka mpɛphɛ ani nga, nende nto á ɓojeɗe.»

Lóka 7:6

Mpɔ Yéso áoga na ɓɔ. N'asóojua mɔtɛ á mɔkɔta, yɛ â goto ǒteka ɓadakɛ ka tɔ̌mia á Yéso te: «Mɔkɔta, kǒtambisɛgɛmbɛ. Kékeni óngiɛ k'éndu nɛmɔ.

Ɓalɔ́ma 3:9

Cɔ, ɓɛ́yɔngɛni ɓoni? Ɓesu Ɓayúda ɓɛɛ́nyɛ́nyi ɓakpa ɓunɛngbo? Tanda phɔ́! Ɓe ye phangi base gea Ɓayúda na ɓunde ɓáná Ɓayúda, ɓesu ɓɔbu ɓe tɔ kusi á kɔkɔta á ɓojeɗe.

Ɓalɔ́ma 6:6

Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 7:18

Nga, neoúba nna na kema ánjá nde aiki suɓi ani, ande gea, k'etéte ani á kokpa. A tɔ ɓó nga, nena mɔphɛ á tɔtɔkisa á kema ánjá nde a suɓi ani, ké gǎkɛ ɔtɔka tɔtɔkisa í.

Ɓagalatía 4:3

Ɓesu phɔtɔ, ɗéɓetú mosá ɓea ɓaniki. Ɗéɓetú ɓakɔɓɛ á ɓansombo á ka mokonda.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.