Ɓalɔ́ma 7:13 - Ɔngana á Kɛ̌kɛ

¹³ Cɔ, ande gea, te kema nde aánjá aunge amobikisíí kukuwa? Tanda phɔ́! Ɓojeɗe unge ande cina á kukuwa. Ka gea te, ɓojeɗe áúbikanɛ ɗoni, ɗáúbikani suɓi á kema nde aánjá, ka gea ɓojeɗe ámokiɗianisɛ ka kukuwa. Ka nyɔngɔ ɛ́ɔphi ndɔ unge ɓojeɗe aúbikani base.

Ɓalɔ́ma 7:13 Iomraidhean Croise

Matáyɔ 28:8

Cɔ, ɓake ndɔ ɓáokamisaga tóka ka bóta, ɓáoɓá na kɔɓɔɓɔkɔ na maseye phɛɛ, ɓáoga mbangɔ ka tɔ̌mia á ɓagoigi ndea Yéso nyɔngɔ ndɔɔ.

Lóka 20:16

Abikande, áǒmowa ɓagubi ndɔ. Mbusa í, aeɓophande ɓakpa ɓunɛngbo ciko ndɔ.» Ɓakpa ɓáɔ́ki ye ɓó, ɓáɔyɔnga gea: «Kaɓɛmbɛ tanda ɓó.»

Ɓalɔ́ma 5:20

Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓagalatía 3:21

Ande gea te, ɛɔphi atinganigi na mɔkɔ ndea Mokonga? Tanda phɔ́. Atú oɓá ɛɔphi n'ana ɓukpɛkpɛ á amisa á ɓakpa ka měma, na ɓakpa ɗáɓátɔi ú, ámbé ɛɔphi ɗáebisi ɓakpa, ɓato á koɗoni mosá á Mokonga.