Ɓalɔ́ma 7:11 - Ɔngana á Kɛ̌kɛ

¹¹ Nga, ka nyɔngɔ ɛ́ɔphi aunge ɓojeɗe atɔí aphe á demaga ani. Ka nyɔngɔ ɛ́ɔphi phɔtɔ aunge ɓojeɗe atɔí aphe á mowa ani.

Ɓalɔ́ma 7:11 Iomraidhean Croise

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 7:13

Cɔ, ande gea, te kema nde aánjá aunge amobikisíí kukuwa? Tanda phɔ́! Ɓojeɗe unge ande cina á kukuwa. Ka gea te, ɓojeɗe áúbikanɛ ɗoni, ɗáúbikani suɓi á kema nde aánjá, ka gea ɓojeɗe ámokiɗianisɛ ka kukuwa. Ka nyɔngɔ ɛ́ɔphi ndɔ unge ɓojeɗe aúbikani base.

Ɓalɔ́ma 7:8

Ka nyɔngɔ ɛ́ɔphi unge ɓojeɗe angí na jujúkisa á etéte á mɔphɛ ájeɗe-jeɗe bui suɓi ani. Nga atúoɓá ɛɔphi na káɓeí, ámbé ɓojeɗe aku.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓaɛbulanía 3:13

Gbagisanagani ndiu ka měma esa bui, ka mbenɔ nde «Kesande» a phɔ́tɔ ɓei ɓea ɓî Ɓuku á Mokonga ayɔngi ka gea, ka ɓenu moci ɓojeɗe kanɗakɛmbɛ měma na demaga akɛ.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

Yakɔ́ɓɔ 1:26

Kaɓɛ nkpa n'agi te ande mokiísito á ɗoni, na nna gǎkɛ koamba yɔngɛa akɛ, ědemi sasakɛ, kanisa nɛkɛ a tɔ á jǎi.