Ɓalɔ́ma 6:6 - Ɔngana á Kɛ̌kɛ

⁶ Ɓéúbɛni gea, kokpa á kala nde ɗéɓetú ně mosá, ɗáɓákɔkɛigi ú gǔ á moyangɔ kimoci na Kiísito, ka gea, ɓátúkatúkɛ kokpa asu á ɓojeɗe. Ka gea ɓékéɓɛku ye ɓakɔɓɛ á ɓojeɗe.

Ɓalɔ́ma 6:6 Iomraidhean Croise

Ɓalɔ́ma 6:12

Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

Ɓalɔ́ma 7:14

Eya, ɓeoúba gea ɛɔphi atóki ka Mokonga, eme ne ndiu na nyama á kokpa, mmbé ɗáɓánsombisi ɓea nkɔɓɛ á ɓojeɗe.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

2 Ɓakɔlítɔ 5:14

Ekondi ndea Kiísito aunge aɔsɔ́sɔndɔɛa. Nga, ɓesu ɓáunge ɓeoúba ɗoni gea, Kiísito ɗásókui ɓesu ɓɔbu. Ande gea te, ɓakpa ɓɔbu ɓasí ye tɔ kimoci na yɛ.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓagalatía 6:14

K'eme gǎkɛ, kéebebeku ka kema nɛngbo na nna tɔndɔ ka nyɔngɔ á moyangɔ ndea Mɔkɔta nɛsu Yéso Kiísito. Ka nyɔngɔ índɔ unge mokonda aku ka nyɔngɔ ani n'eme néokuwa ka nyɔngɔ í.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.