Ɓalɔ́ma 6:4 - Ɔngana á Kɛ̌kɛ

⁴ Ka phɔa oɓatisɔ ndɔ ɗéɓejúkani na yɛ ka kukuwa akɛ na ka úmba akɛ gea te, ɓíndɔ Kiísito ɗájujúki ka kukuwa sɔsɔɓɛ á ɓasí ka ɓoombia ndea Abɛ, ɓesu phɔtɔ ɓéɓɛ na tambea á enda á kɛ̌kɛ.

Ɓalɔ́ma 6:4 Iomraidhean Croise

Yoáni 11:40

Yéso áongea: «Kétóogi aoɓá n'oɓeeki, ɔɔnande ɓoombia ndea Mokonga?»

Yoáni 2:11

Nndɔ, ɗátú mphangiɔ á ketangaɔ á k'ama mosá-mosá ndea Yéso, nnde atɔtɔkɛani ka Kána á ka Galiláya. Yéso ɗáphangi ně base ɓoombia nɛkɛ. Kaɓondɔ, ɓagoigi nɛkɛ ɓáomɓeekea.

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 6:3

Ɓooɓosa te, ɓesu ɓɔbu íɓunde ɗáɓásóɓatisi ka nyɔngɔ á jukana asu na Yéso Kiísito, oɓatisɔ ndɔ asójúkanisi na yɛ ka kukuwa akɛ?

Ɓalɔ́ma 6:8

Cɔ, kaɓɛ na ɓeku kimoci na Kiísito, ɓeɓeeki phɔtɔ gea ɓeendande kimoci na yɛ.

Ɓalɔ́ma 6:9

Nga, ɓeoúba gea Kiísito ɗájujúki ka kukuwa, yɛ kákuwɛeka ye, ka nyɔngɔ nde kukuwa nna ye na kɔkɔta gǔ akɛ.

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

1 Ɓakɔlítɔ 6:14

Mokonga ɗánjujúkisi Mɔkɔta Yéso ka kukuwa, na asójujukisande ka kukuwa ka ɓukpɛkpɛ nɛkɛ phɛɛ.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaɛphɛ́sɔ 5:8

Mosá, ɗóɓotú suɓi á kaiphiɔ. Kɛ̌kɛnde gǎkɛ, ka nyɔngɔ á ɔngana anu na Mɔkɔta, ɓo ye tɔ suɓi á owanga. Ɓî aɓó, tambeani ɓea ɓato á owanga.

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.

Ɓakɔlɔsái 4:1

Cɔ, ɓenu íɓunde ɓona ɓakɔɓɛ, ógeeani ɓakɔɓɛ nɛnu ánjá na koɗoni. Úbáni gea, ɓenu phɔtɔ, ɓona Mɔkɔta nɛnu na koba.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Yoáni 2:6

Cɔ, mmbé agi gea, aɔngani na yɛ, akeni tambea akɛ ákengeanɛ n'índe á Yéso.